സംസ്ഥാനത്ത് സ്വർണവിലയിൽ ഇന്ന് നേരിയ വർധനവ്

സംസ്ഥാനത്ത് സ്വർണവിലയിൽ ഇന്ന് നേരിയ വർധനവ്. ഗ്രാമിന് വെറും 25 രൂപ മാത്രമാണ് ഇന്ന് കൂടിയത്. 12800 രൂപയാണ് വിപണിവില. പവന് 200 രൂപയാണ് കൂടിയത്. ഇതോടെ പവന്റെ വില 102400 രൂപയിലേക്ക് ഉയർന്നു.

അതേസമയം, മുൻ മാസങ്ങളിലെ വിലയേക്കാൾ ഏറെ താഴെയാണ് സ്വർണവില എത്തിനിൽക്കുന്നത്. യുഎസ് ഡോളർ ശക്തിപ്പെടുന്നതും അമേരിക്കൻ ഫെഡറൽ റിസർവ് പലിശനിരക്കുകൾ കുറയ്ക്കുന്നതിൽ കൂടുതൽ ജാഗ്രത പുലർത്തുമെന്ന പ്രതീക്ഷയും സ്വർണവിലയ്ക്ക് സമ്മർദമാകുകയാണ്. ഇതോടൊപ്പം, മുൻ ദിവസങ്ങളിലെ വിലവർധനയ്ക്ക് പിന്നാലെ നിക്ഷേപകർ ലാഭമെടുപ്പിനായി സ്വർണം വിറ്റഴിക്കുന്നതും വില താഴാൻ കാരണമാകുന്നു. സ്വർണത്തിൽനിന്ന് മറ്റ് നിക്ഷേപങ്ങളിലേക്ക് പണം മാറുന്നതും രാജ്യാന്തര വിപണിയിലെ വിലയിടിവിന് ആക്കം കൂട്ടുന്നു. ഈ സാഹചര്യത്തിലാണ് കേരളത്തിൽ വമ്പൻ വിലയിടിവ് ഉണ്ടായത്.