സ്വർണവിലയിൽ നേരിയ ഇടിവ്

തിരുവനന്തപുരം: അഞ്ച് ദിവസങ്ങൾക്ക് ശേഷം സ്വർണവില കുറഞ്ഞു. പവന് 120  രൂപയാണ് ഇന്ന് കുറഞ്ഞത്. എന്നാൽ സ്വർണവില 70000 ത്തിന് താഴെയെത്തിയിട്ടില്ല.  ഒരു പവൻ സ്വർണത്തിന്‍റെ വില 70,040 രൂപയാണ്. 

ശനിയാഴ്ചയാണ് സംസ്ഥാനത്ത് സ്വർണവില 70,000 കടന്നത്. വിഷു ദിനത്തിൽ സ്വർണവിലയിൽ നേരിയ കുറവുണ്ടായത് ഉപഭോക്താക്കൾക്ക് ആശ്വാസം നൽകിയിട്ടുണ്ട്.  ഗ്രാമിന് 15 രൂപയാണ് കുറഞ്ഞത്.  ഒരു ഗ്രാം 22 കാരറ്റ് സ്വർണത്തിന്റെ വിപണി വില 8755 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 7210 രൂപയാണ്. വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വില 107  രൂപയാണ്.