സംസ്ഥാനത്ത് സ്വർണവിലയിൽ നേരിയ വർധനവ്

സംസ്ഥാനത്ത് സ്വർണവിലയിൽ നേരിയ വർധനവ്. ഇന്ന് പവന് 160 രൂപയാണ് വർധിച്ചത്, ഇതോടെ ഒരു പവൻ സ്വർണത്തിന്റെ വിപണി വില 1,07,120 രൂപയായി. ഗ്രാമിന് 20 രൂപ വർധിച്ച് 13,390 രൂപയുമാണ് നിലവിലെ നിരക്ക്.

ഈ മാസത്തിന്റെ തുടക്കത്തിൽ 1,14,560 രൂപയായിരുന്ന സ്വർണവില മൂന്നാഴ്ചയ്ക്കുള്ളിൽ ഏകദേശം ഏഴായിരം രൂപയോളം കുറഞ്ഞിരുന്നു. അമേരിക്കൻ ഫെഡറൽ റിസർവ് പലിശനിരക്ക് ഉയർത്തിയേക്കുമെന്ന സൂചനകളും പശ്ചിമേഷ്യൻ സംഘർഷങ്ങളിൽ അയവ് വന്നതിനെത്തുടർന്ന് എണ്ണവിലയിൽ ഉണ്ടായ കുറവും സ്വർണവിലയെ സ്വാധീനിക്കുന്നുണ്ട്. ജനുവരി 29-ന് രേഖപ്പെടുത്തിയ 1,31,160 രൂപയാണ് സംസ്ഥാനത്തെ സ്വർണവിലയിലെ എക്കാലത്തെയും ഉയർന്ന നിരക്ക്. കഴിഞ്ഞ വർഷം ഡിസംബർ 23-നാണ് സ്വർണവില ആദ്യമായി ഒരു ലക്ഷം രൂപ കടന്നത്.