6,000-ത്തിലധികം നഗരങ്ങളിലായി 6.5 ലക്ഷം റൂട്ടുകളെ ബന്ധിപ്പിച്ച് ബസ് 2.0 ആരംഭിച്ച് ക്ലിയർട്രിപ്പ്

കൊച്ചി: പുതിയ റോഡ് യാത്രാ അനുഭവങ്ങളുമായി, ഫ്‌ളിപ്കാർട്ട് കമ്പനിയായ ക്ലിയർട്രിപ്പ് ഇന്ന് ബസ് 2.0 അവതരിപ്പിച്ചു. വ്യോമ, റെയിൽ ശൃംഖലകളുടെ പരിധിക്കപ്പുറമുള്ള ലക്ഷ്യസ്ഥാനങ്ങൾ ഉൾപ്പെടെ 6,000-ത്തിലധികം നഗരങ്ങളിലായി 6.5 ലക്ഷത്തിലധികം റൂട്ടുകളിൽ യാത്രക്കാരെ ബന്ധിപ്പിക്കുന്ന ഒന്നാണ് ഗണ്യമായി വികസിപ്പിച്ച ബസ് 2.0. ആഴത്തിലുള്ള നെറ്റ്വർക്ക് വ്യാപനം, അവബോധജന്യമായ ബുക്കിംഗ് യാത്ര, രാജ്യത്തെ ഏറ്റവും വലിയ റോഡ് യാത്രാ ഇൻവെന്ററികളിൽ ഒന്നിലേക്കുള്ള പ്രാപ്യത എന്നിവ ഉപയോഗിച്ച്, വിമാനങ്ങൾ, ട്രെയിനുകൾ, ഹോട്ടലുകൾ എന്നിവയ്ക്കൊപ്പം ഒരു പ്ലാറ്റ്ഫോമിൽ തടസ്സമില്ലാതെ ബസുകൾ ബുക്ക് ചെയ്യാൻ ബസ് 2.0 യാത്രക്കാരെ പ്രാപ്തമാക്കുന്നു.

ജെൻ-സീ (Gen Z) യാത്രക്കാരുടെ പ്രധാന യാത്രാ തിരഞ്ഞെടുപ്പുകളിലൊന്നായി ഈ വിഭാഗം ഇന്ന് മാറിയിരിക്കുന്നു. നിലവിൽ, ക്ലിയർട്രിപ്പിലെ ബസ് ബുക്കിംഗുകളിൽ 55 ശതമാനത്തിലധികവും ജെൻ-സീ യാത്രക്കാരിൽ നിന്നാണ് വരുന്നത്. വിദ്യാർത്ഥികൾ, ഒറ്റയ്ക്ക് യാത്ര ചെയ്യുന്നവർ, ആദ്യമായി ജോലിയിൽ പ്രവേശിച്ച പ്രൊഫഷണലുകൾ എന്നിവർ കുറഞ്ഞ ചെലവിലുള്ള വാരാന്ത്യ യാത്രകൾക്കും, വീട്ടിലേക്കുള്ള യാത്രകൾക്കും, പെട്ടെന്നുള്ള യാത്രാ പദ്ധതികൾക്കുമായി ബസുകളെ കൂടുതലായി തിരഞ്ഞെടുക്കുന്നു. ട്രെയിൻ യാത്രയ്ക്ക് കൂടുതൽ തിരക്കുള്ള സമയങ്ങളിൽ ടിക്കറ്റ് ലഭിക്കാത്ത സാഹചര്യത്തിൽ വിശ്വസനീയമായ ഒരു ബദൽ സൗകര്യം നൽകുന്നതാണ് ബസ് യാത്ര. ഇതിലൂടെ റോഡ് യാത്രകൾ മുമ്പത്തേക്കാളും കൂടുതൽ എളുപ്പത്തിൽ ലഭ്യമാകുന്നു.

പ്രമുഖ സ്വകാര്യ ബസ് ഓപ്പറേറ്റർമാരെയും സംസ്ഥാന ഗതാഗത കോർപ്പറേഷനുകളെയും ഒരുമിച്ച് കൊണ്ടുവരുന്നതിലൂടെ ക്ലിയർട്രിപ്പ് വിവിധ നഗരങ്ങളെ ബന്ധിപ്പിച്ചും, പ്രാദേശിക റൂട്ടുകളിലും യാത്രക്കാർക്ക് കൂടുതൽ തിരഞ്ഞെടുപ്പുകൾ ലഭ്യമാക്കുന്നു. രാജ്യത്തെ സ്വകാര്യ ബസ് സർവീസ് രംഗത്തെ ഏകദേശം 95 ശതമാനത്തിലേക്കുള്ള പ്രാപ്യതയും, വർദ്ധിച്ചുവരുന്ന സർക്കാർ നിയന്ത്രിത ബസ് സർവീസുകളുടെ ശൃംഖലയും ഉപയോഗിച്ച്, ബസ് 2.0 യാത്രക്കാർക്ക് സാധാരണയായി ബസ് ടെർമിനലുകളിൽ മാത്രം ലഭിച്ചിരുന്ന വിപുലമായ തിരഞ്ഞെടുപ്പ് സൗകര്യം ഇപ്പോൾ മൊബൈൽ ഫോണിലൂടെയും ലഭ്യമാക്കുന്നു.

ഇന്ത്യയിലെ മറ്റേതൊരു ഗതാഗത മാർഗത്തേക്കാളും കൂടുതൽ പ്രദേശങ്ങളെ ബന്ധിപ്പിക്കുന്നത് ബസ് സർവീസുകളാണെന്ന് ഈ ലോഞ്ചിനെക്കുറിച്ച് പ്രതികരിച്ച ക്ലിയർട്രിപ്പിന്റെ എയർ ചീഫ് ബിസിനസ് ഓഫീസർ ഗൗരവ് പട്വാരി പറഞ്ഞു. 'നിരവധി യുവ യാത്രക്കാർക്ക്, ഒരു ബസ് ബുക്ക് ചെയ്യുന്നത് പലപ്പോഴും യാത്രാ ആസൂത്രണവുമായി ബന്ധപ്പെട്ട ആദ്യ അനുഭവമാണ്. ഈ യാത്രക്കാരെ മുന്നിൽ കണ്ടാണ് ബസ് 2.0 രൂപകൽപ്പന ചെയ്തിരിക്കുന്നത്. യാത്രയിലെ സൗകര്യപ്രദമായ ഇളവുകൾ, വിപുലമായ റൂട്ട് ലഭ്യത, ആവശ്യമുള്ള സമയത്ത് അവർ തിരഞ്ഞെടുക്കുന്ന റൂട്ട് ലഭ്യമാകുമെന്ന ഉറപ്പ് എന്നിവ ഇത് നൽകുന്നു,' അദ്ദേഹം പറഞ്ഞു.

'ഈ ലോഞ്ചിലൂടെ, ക്ലിയർട്രിപ്പിനെ ഒരു സമഗ്രമായ മൾട്ടിമോഡൽ യാത്രാ പ്ലാറ്റ്‌ഫോമായി മാറ്റുക എന്ന ഞങ്ങളുടെ കാഴ്ചപ്പാടിലേക്ക് ഞങ്ങൾ ഒരു പടി കൂടി മുന്നേറുകയാണ്,' അദ്ദേഹം കൂട്ടിച്ചേർത്തു.ട്രെയിൻ ബുക്കിംഗ് സേവനങ്ങളുടെ വിപുലീകരണത്തിനും അന്താരാഷ്ട്ര ഹോട്ടൽ സേവനശൃംഖലയുടെ വർദ്ധനവിനും പിറകെ, ഇന്ത്യക്കാർ സഞ്ചരിക്കുന്ന എല്ലാ യാത്രാ മാർഗങ്ങൾക്കും ഒരൊറ്റ വേദിയൊരുക്കാനുള്ള ക്ലിയർട്രിപ്പിന്റെ ശ്രമത്തിലെ ഏറ്റവും പുതിയ ചുവടുവയ്പ്പാണ് ബസ് 2.0. വിമാനങ്ങൾ, ഹോട്ടലുകൾ, ട്രെയിനുകൾ, ബസുകൾ, അവധിക്കാല പാക്കേജുകൾ എന്നിവയെല്ലാം ഒരൊറ്റ പ്ലാറ്റ്‌ഫോമിൽ ലഭ്യമാക്കുന്നതിലൂടെ, യാത്രക്കാരുടെ അടുത്ത യാത്ര കൂടുതൽ ലളിതവും സുഗമവുമാക്കുന്നത് തുടരുകയാണ് ക്ലിയർട്രിപ്പ്.