കോഴി ഇറച്ചിക്കും കോഴിമുട്ടയ്ക്കും വില കുതിക്കുന്നു

പുതുവർഷത്തെ വരവേറ്റ് കോഴി ഇറച്ചിക്കും കോഴിമുട്ടയ്ക്കും വില കുതിക്കുന്നു.ഒരു വെള്ള കോഴി മുട്ടയുടെ വില നിലവിൽ 7.50 രൂപയാണ്.ഒരു മാസം മുൻപ് 5 രൂപയായിരുന്ന കോഴിമുട്ടയ്ക്കാണീ വില വർദ്ധന.170 രൂപയുടെ കോഴിയിറച്ചി 265 ലെത്തി.തമിഴ്നാട്ടിൽ നിന്നുള്ള കോഴിയുടെയും,മുട്ടയുടെ വരവ് കുറഞ്ഞതാണ് വില വർദ്ധനയ്ക്ക് കാരണമെന്ന് ചെറുകിട കച്ചവടക്കാർ പറയുന്നു.സാധാരണ മണ്ഡലകാലത്ത് കോഴിക്കും കോഴി മുട്ടയ്ക്കും വില കുറയുകയാണ് പതിവ്.