യമഹ കൊച്ചിയിൽ ആദ്യത്തെ 'മെഗാ മൈലേജ് ചലഞ്ച്' നടത്തി

കൊച്ചി:  ഇന്ത്യ യമഹ മോട്ടോർ (ഐവൈഎം) പ്രൈവറ്റ് ലിമിറ്റഡ് കൊച്ചിയിൽ എഫ്‌സെഡ്-എസ് എഫ്‌ഐ  ഹൈബ്രിഡ് മോട്ടോർസൈക്കിളിനും 125 സിസി എഫ്‌ഐ ഹൈബ്രിഡ് സ്‌കൂട്ടറുകളായ ഫാസിനോ, റേസെഡ്ആർ എന്നിവയ്ക്കുമായി മെഗാ മൈലേജ് ചലഞ്ച് സംഘടിപ്പിച്ചു.  നഗര റോഡുകൾ, നഗര ട്രാഫിക്, കൂടാതെ തുറന്ന സ്‌റ്റ്രെച്ചുകൾ  എന്നിവ ഉൾപ്പെടുന്ന ക്യൂറേറ്റ് ചെയ്ത റൂട്ടിൽ  മോട്ടോർസൈക്കിളുകൾക്കായി ഏകദേശം 60 കിലോമീറ്ററും സ്‌കൂട്ടറുകൾക്കായി 35 കിലോമീറ്ററുമായിരുന്നു ചലഞ്ച്. മോട്ടോർസൈക്കിൾ വിഭാഗത്തിൽ  ലിറ്ററിന് 93.2 കിലോമീറ്റർ മൈലേജ് കൈവരിച്ച അമൽ യു എസും സ്‌ക്കൂട്ടർ വിഭാഗത്തിൽ 96.3 കിലോമീറ്റർ മൈലേജ് കൈവരിച്ച അമൽ, നിത എന്നിവരുമാണ് ജേതാക്ക്ൾ. വിജയികൾക്ക്് ട്രോഫിയും സർട്ടിഫിക്കറ്റും സമ്മാനിച്ചു.  

 സ്മാർട്ട് മോട്ടോർ ജനറേറ്റർ (എസ്എംജി) സിസ്റ്റം ഉൾപ്പെടുന്ന യമഹയുടെ ഹൈബ്രിഡ് സാങ്കേതികവിദ്യ സാധ്യമാക്കുന്ന ശ്രദ്ധേയമായ ഇന്ധനക്ഷമതയുടെനേട്ടങ്ങളെക്കുറിച്ച് ഉപഭോക്താക്കളെ ബോധവൽക്കരിക്കുന്നതിനാണ് ഇത് ലക്ഷ്യമിടുന്നത്. അംഗീകൃത ഡീലർഷിപ്പുകളായ വിജയഗിരി ഓട്ടോ ഏജൻസീസ്, പെരിങ്ങാട്ട് മോട്ടോഴ്സ്, ഇൻഡൽ ഓട്ടോമോട്ടീവ്സ്, ശ്രീ വിഘ്നേശ്വര മോട്ടോഴ്സ് എന്നിവരുമായി സഹകരിച്ച് നടത്തിയ ഈ പരിപാടിയിൽ യമഹ ഉപഭോക്താക്കളിൽ നിന്നും അവരുടെ കുടുംബാംഗങ്ങളിൽ നിന്നും ആവേശകരമായ പങ്കാളിത്തമാണ് ഉണ്ടായത്.