ടിവിഎസ് എൻടോർക്ക് 125 സൂപ്പർ സോൾജ്യർ എഡിഷൻ പുറത്തിറക്കി

കൊച്ചി: ഇരുചക്ര-മുച്ചക്ര വാഹന നിർമാണരംഗത്തെ ആഗോള പ്രമുഖരായ ടിവിഎസ് മോട്ടോർ കമ്പനി, പുതിയ ടിവിഎസ് എൻടോർക്ക് 125 സൂപ്പർ സോൾജ്യർ എഡിഷൻ പുറത്തിറക്കി. മാർവൽ അവഞ്ചേഴ്സ് സൂപ്പർ സ്ക്വാഡ് സീരീസിലെ ഏറ്റവും പുതിയ കൂട്ടിച്ചേർക്കലാണിത്. മാർവൽ സൂപ്പർഹീറോകളിൽ നിന്ന് പ്രചോദനം ഉൾക്കൊണ്ട് 2022ൽ ടിവിഎസ് എൻടോർക്ക് സൂപ്പർ സ്ക്വാഡ് നിരയുടെ ഭാഗമായി ആദ്യം അവതരിപ്പിച്ച ക്യാപ്റ്റൻ അമേരിക്ക എഡിഷൻ രാജ്യത്തുടനീളമുള്ള മാർവൽ ആരാധകരുടെ മനം കവർന്നിരുന്നു. ആരാധകരുടെ പ്രിയപ്പെട്ട ക്യാപ്റ്റൻ അമേരിക്കയുടെ ധീരമായ പുനർസൃഷ്ടിയായ സൂപ്പർ സോൾജ്യർ എഡിഷൻ ജെൻ സീ റൈഡർമാരെ ആകർഷിക്കുന്ന തരത്തിലാണ് രൂപകൽപന ചെയ്തിരിക്കുന്നത്. ഡിസൈനിലും കളർ സ്കീമിലും ആകർഷകമായ മാറ്റമാണ് ഇതിനായി വരുത്തിയിരിക്കുന്നത്.