സ്ലാവിയ മോണ്ടെ കാർലോയുടെ കളർ പാലറ്റ് വിപുലീകരിച്ച് സ്‌കോഡ

തിരുവനന്തപുരം: സ്‌കോഡ ഓട്ടോ ഇന്ത്യ സ്ലാവിയ മോണ്ടെ കാർലോയ്ക്ക് രണ്ട് പുതിയ എക്‌സ്‌ക്ലൂസീവ് കളറുകളായ ഷിംല ഗ്രീൻ, സ്റ്റീൽ ഗ്രേ എന്നിവ നൽകി സ്ലാവിയ ശ്രേണി വിപുലീകരിച്ചു. ഇവ രണ്ടും വേറിട്ട ഡ്യുവൽ-ടോൺ ഫിനിഷിൽ ലഭിക്കും. സ്ലാവിയ മോണ്ടെ കാർലോയുടെ ഈ ലിമിറ്റഡ് കളർ എഡിഷനുകൾ, സെഡാന്റെ ഡൈനാമിക് ഡിസൈനും മികച്ച ഡ്രൈവിംഗ് അനുഭവവും ബ്രാൻഡിന്റെ റാലി മോണ്ടെ കാർലോ പൈതൃകവുമായി സംയോജിപ്പിക്കുന്നു. ഈ പുതിയ കൂട്ടിച്ചേർക്കൽ വാഹനത്തിന് കൂടുതൽ കരുത്തുറ്റ ദൃശ്യഭംഗി നൽകും. കൂടാതെ കൂടുതൽ വേറിട്ടതും എക്‌സ്‌ക്ലൂസീവുമായ ഉടമസ്ഥാനുഭവം ആഗ്രഹിക്കുന്ന ഉപഭോക്താക്കളെ ലക്ഷ്യം വച്ചുള്ളതുമാണിത്. ആകെ 200 യൂണിറ്റുകളാണ് വിപണിയിലെത്തിക്കുന്നത്. 1.0 എടി, 1.5 ഡിഎസ്ജി വേരിയന്റുകളിൽ ലഭിക്കും.

'സ്ലാവിയ മോണ്ടെ കാർലോയുടെ വേറിട്ട ഡിസൈൻ, പ്രീമിയം ആകർഷണം, മികച്ച ഡ്രൈവിംഗ് ഡൈനാമിക്‌സ്, ഞങ്ങളുടെ മോട്ടോർസ്‌പോർട്ട് പൈതൃകവുമായുള്ള ശക്തമായ ബന്ധം എന്നിവ കാരണം ഉപഭോക്താക്കൾക്കിടയിൽ മികച്ച സ്വീകാര്യതയാണ് ലഭിച്ചത്. മോണ്ടെ കാർലോ ശ്രേണിയുടെ തനിമയും ആകർഷണീയതയും കൂടുതൽ മെച്ചപ്പെടുത്തി, ഉപഭോക്താക്കൾക്ക് കൂടുതൽ ചോയ്സുകളും എക്‌സ്‌ക്ലൂസിവിറ്റിയും ഞങ്ങൾ നൽകുന്നു. ശൈലി, പ്രകടനം, ആധുനികത എന്നിവയുടെ മികച്ച സമന്വയമായി സ്ലാവിയ മോണ്ടെ കാർലോ തുടരുന്നു. ഞങ്ങളുടെ ഉപഭോക്താക്കളുടെ മാറിക്കൊണ്ടിരിക്കുന്ന ആഗ്രഹങ്ങൾക്ക് അനുസൃതമായി, സെഡാൻ പോർട്ട്ഫോളിയോ കൂടുതൽ ശക്തമാക്കുന്നത് ഞങ്ങൾ തുടരും,' സ്‌കോഡ ഓട്ടോ ഇന്ത്യയുടെ ബ്രാൻഡ് ഡയറക്ടർ ആശിഷ് ഗുപ്ത പറഞ്ഞു.

ലിമിറ്റഡ് മോണ്ടെ കാർലോ

പുതിയ എക്‌സ്‌ക്ലൂസീവ് കളർ ഓപ്ഷനുകൾക്ക് പുറമെ, ബ്ലാക്ക്-ഔട്ട് എക്സ്റ്റീരിയർ ഡിസൈൻ സവിശേഷതകൾ, സിഗ്‌നേച്ചർ മോണ്ടെ കാർലോ സ്‌റ്റൈലിംഗ് ഘടകങ്ങൾ, പ്രീമിയം ബ്ലാക്ക് ആൻഡ് റെഡ് ഇന്റീരിയർ തീം, ഫീച്ചറുകളാൽ സമ്പന്നമായ ക്യാബിൻ എന്നിവയിലൂടെ സ്ലാവിയ മോണ്ടെ കാർലോ വേറിട്ടുനിൽക്കുന്നത് തുടരുന്നു. സ്ലാവിയ ശ്രേണിയിലെ ഏറ്റവും ആകർഷകമായ വേരിയന്റുകളിലൊന്ന് സ്വന്തമാക്കാൻ ആഗ്രഹിക്കുന്ന ഉപഭോക്താക്കൾക്കുള്ള ചോയ്സുകൾ പുതിയ ഷിംല ഗ്രീൻ, സ്റ്റീൽ ഗ്രേ ഡ്യുവൽ-ടോൺ ഫിനിഷുകൾ കൂടുതൽ വിപുലീകരിക്കുന്നു. മികച്ച പ്രകടനം, കാര്യക്ഷമത, ഡ്രൈവിംഗ് ആനന്ദം എന്നിവയുടെ മികച്ച സമന്വയം നൽകുന്നതിനായി, ബ്രാൻഡിന്റെ റിയൽ ഓട്ടോമാറ്റിക് ട്രാൻസ്മിഷനുകളുമായി സംയോജിപ്പിച്ചിട്ടുള്ള സ്‌കോഡ ഓട്ടോ ഇന്ത്യയുടെ തെളിയിക്കപ്പെട്ട ടിഎസ്‌ഐ എഞ്ചിനുകളിൽ സ്ലാവിയ മോണ്ടെ കാർലോ തുടർന്നും വാഗ്ദാനം ചെയ്യുന്നു.

ഉപഭോക്താക്കൾക്ക് 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനുമായി സംയോജിപ്പിച്ചിട്ടുള്ള 1.0 ലിറ്റർ ടിഎസ്‌ഐ എഞ്ചിൻ അല്ലെങ്കിൽ 7-സ്പീഡ് ഡിഎസ്ജിയുമായി സംയോജിപ്പിച്ചിട്ടുള്ള 1.5 ലിറ്റർ ടിഎസ്‌ഐ എഞ്ചിൻ എന്നിവയിൽ ഒന്ന് തിരഞ്ഞെടുക്കാം. 1.0 ടിഎസ്‌ഐ ഒരു ത്രീ-സിലിണ്ടർ ടർബോചാർജ്ഡ് പെട്രോൾ എഞ്ചിനാണ്, ഇത് 85 kW (115 PS) പവറും 178 Nm ടോർക്കും ഉത്പാദിപ്പിക്കുന്നു. അതേസമയം, കൂടുതൽ ശേഷിയുള്ള 1.5 ടിഎസ്‌ഐ ഫോർ-സിലിണ്ടർ ടർബോചാർജ്ഡ് പെട്രോൾ എഞ്ചിൻ 110 kW (150 PS) പവറും 250 Nm ടോർക്കും നൽകുന്നു. കൂടാതെ, മികച്ച ഹീറ്റ് മാനേജ്മെന്റിനും തെർമൽ എഫിഷ്യൻസിക്കുമായി നൽകിയിട്ടുള്ള പ്ലാസ്മ-കോട്ടഡ് സിലിണ്ടർ ലൈനറുകൾക്കൊപ്പം, കുറഞ്ഞ ലോഡുകളിൽ ഇന്ധനം ലാഭിക്കുന്നതിനായി രണ്ട് സിലിണ്ടറുകളുടെ പ്രവർത്തനം നിർത്തുന്ന ആക്റ്റീവ് സിലിണ്ടർ ടെക്‌നോളജി വാഗ്ദാനം ചെയ്യുന്ന സ്വന്തം സെഗ്മെന്റിലെ ഒരേയൊരു എഞ്ചിനായി 1.5 ടിഎസ്‌ഐ തുടരുന്നു.

സ്‌കോഡ ഓട്ടോയുടെ റേസിംഗ് ഡിഎൻഎ

ഒരു നൂറ്റാണ്ടിലേറെയായി സ്‌കോഡ ഓട്ടോയുടെ ഒരു അവിഭാജ്യ ഘടകമാണ് മോട്ടോർസ്‌പോർട്ട്. 1912 മുതൽ റാലി മോണ്ടെ കാർലോയുമായുള്ള കമ്പനിയുടെ ബന്ധത്തിനും അതിനുശേഷമുള്ള വിവിധ വിജയങ്ങൾക്കും പോഡിയം ഫിനിഷുകൾക്കുമാണ് മോണ്ടെ കാർലോ ട്രിം പ്രത്യേകിച്ചും ആദരവ് അർപ്പിക്കുന്നത്. സ്ലാവിയ മോണ്ടെ കാർലോ, കുഷാക്ക് മോണ്ടെ കാർലോ മുതൽ കൈലാക്ക്, കോഡിയാക്ക്, ലിമിറ്റഡ്-വോളിയം ഒക്ടാവിയ ആർഎസ് എന്നിവയുൾപ്പെടുന്ന ബ്രാൻഡിന്റെ മുഴുവൻ കാർ നിരയും, 'ദി ഫാസ്റ്റസ്റ്റ് മൾട്ടി-കാർ റിലേ ഓഫ് എ സിംഗിൾ മാനുഫാക്ചറർ ഓൺ എ സർക്യൂട്ട്' എന്നതിനുള്ള ഇന്ത്യ, ഏഷ്യ ബുക്ക് ഓഫ് റെക്കോർഡ്‌സ് സ്വന്തമാക്കി. കോയമ്പത്തൂരിലെ കോസ്റ്റ് ട്രാക്കിൽ, ഡ്രൈവർമാരെ മാറ്റുന്ന സമയമുൾപ്പെടെ ഈ അഞ്ച് കാറുകളും കൂടി ആകെ 12:30.97 എന്ന ലാപ്പ് ടൈം കുറിച്ചു. ഇതോടൊപ്പം, തങ്ങളുടെ ഉൽപ്പന്ന പോർട്ട്ഫോളിയോയിലുടനീളം സ്ഥിരത പുലർത്തുന്ന എഞ്ചിനീയറിംഗ്, ഡൈനാമിക് മികവ് പ്രദർശിപ്പിച്ചുകൊണ്ട്, ബ്രാൻഡ് തങ്ങളുടെ 'ഗ്രേറ്റസ്റ്റ് ഓൺ എ ട്രാക്ക് ഈസ് എ സ്‌കോഡ ഓൺ എ ട്രാക്ക്' എന്ന ക്യാമ്പെയ്നിനും തുടക്കം കുറിച്ചു.