ശംഖ് സൂക്ഷിക്കുന്നത് ഇങ്ങനെയെങ്കിൽ ഐശ്വര്യവും ഭാഗ്യവും തേടിയെത്തും , വാസ്തു ശ്രദ്ധിച്ചില്ലെങ്കിൽ ദോഷം

Whatsapp Group

 വേദശാസ്ത്രപ്രകാരം ശംഖ് രണ്ട് തരത്തിൽ ഉണ്ട്. ഒന്ന് നാദത്തിനായി ഉപയോഗിക്കുന്ന ശംഖുകളും മറ്റൊന്ന് ആരാധനയ്ക്കായി ഉപയോഗിക്കുന്ന ശംഖുകളും. ഏതൊരു വ്യക്തിയാണോ നിത്യവും ശംഖ് ഊതുന്നത് അയാൾക്ക് ഹൃദയാഘാതം ഉണ്ടാകാനുള്ള സാധ്യത കുറയും. ദിവസവും വീട്ടിൽ ശംഖ് രണ്ട് തവണയെങ്കിലും (രാവിലെയും വൈകുന്നേരവും) ഊതിയാൽ ഐശ്വര്യം നിറയുമെന്നാണ് വിശ്വാസം.
വീട്ടിൽ ശംഖ് സൂക്ഷിക്കുന്നത് ഐശ്വര്യവും ഭാഗ്യവും നേടിത്തരും. കുടുംബത്തിലെ നെഗറ്റീവ് ഊർജത്തെ ശംഖിൽ നിന്ന് പ്രഹവിക്കുന്ന നാദം നശിപ്പിക്കും. എന്നാൽ ഒരു ശംഖ് മാത്രം വീട്ടിൽ സൂക്ഷിക്കാൻ പാടില്ല. രണ്ട് ദിക്കുകളിലായി രണ്ട് ശംഖകളുണ് വീട്ടിൽ കരുതേണ്ടത്. ഊതാനായി ഒന്നും പൂജാവിധികൾക്കായി മറ്റൊന്നും എന്നതാണ് ഇതിനു പിന്നിലുള്ള തത്വം. ഊതാൻ ഉപയോഗിക്കുന്ന ശംഖ് മഞ്ഞത്തുണിയിൽ സൂക്ഷിക്കണം. പൂജാവിധികൾക്ക് ഉപയോഗിക്കുന്ന ശംഖ് ഗംഗാജലം കൊണ്ട് വ്യത്തിയാക്കി വെള്ളത്തുണിയിൽ സൂക്ഷിക്കണം എന്നാണ് നിയമം. പൂജയ്ക്ക് ഉപയോഗിക്കുന്നവ ഉയർന്ന പ്രതലത്തിൽ സൂക്ഷിക്കണമെന്നും നിർദ്ദേശിക്കുന്നു.

ഐതീഹ്യം

പ്രഭാസ എന്ന സമുദ്രത്തിലുള്ള ശംഖിനുള്ളിൽ വസിച്ചിരുന്ന അസുരനായിരുന്നു ശംഖാസുരൻ (പഞ്ചജൻ). ഒരിക്കൽ ശ്രീകൃഷ്ണൻ, ബലരാമൻ, സുദാമാവ് എന്നിവരുടെ ഗുരുവായിരുന്ന സാന്ദീപനി മഹർഷിയുടെ പുത്രനെ ശംഖാസുരൻ തട്ടിക്കൊണ്ടുപോയി. ഇതേത്തുടർന്ന് തൻ്റെ പുത്രനെ തൻ്റെ പക്കൽ എത്തിക്കണമെന്ന് സാന്ദീപനി മഹർഷി ശ്രീകൃഷ്ണനോട് ആവശ്യപ്പെട്ടു. ഗുരുവിൻ്റെ കൽപ്പയോടെ ശ്രീകൃഷ്ണൻ ശംഖാസുരനെ വധിച്ച് ശംഖിനുള്ളിൽനിന്നു ഗുരുപുത്രനെ രക്ഷിച്ചു. ശംഖാസുരൻ വസിച്ചിരുന്ന ശംഖ് അങ്ങനെ ശ്രീകൃഷ്‌ണാ അവതാരമെടുത്തിരിക്കുന്ന മഹാവിഷ്ണുവിന്റെ കയ്യിൽ എത്തിച്ചേർന്നു. കൃഷ്ണൻ ഓരോ തവണയും പാഞ്ചജന്യം മുഴക്കുമ്പോൾ അദ്ദേഹത്തിന്റെ അടുത്ത ശത്രുവിനു മേൽ മരണം നിഴൽ വിരിക്കുന്നു എന്നാണ് ഹൈന്ദവവിശ്വാസം.

രണ്ട് തരത്തിലുള്ള ശംഖുകളാണ് നമുക്ക് ലഭ്യമാകുന്നത്. രൂപഭേദമനുസരിച്ച് വലംപിരി, ഇടംപിരി എന്നിങ്ങനെയാണ് ഇവ അറിയപ്പെടുന്നത്. മലർത്തി വയ്ക്കു മ്പോൾ ശംഖിന്റെ വായ ഭാഗം വലത്തോട്ട് തിരിഞ്ഞ് ഇരിക്കുന്നത് വലംപിരിയും, ഇടത്തോട്ട് തിരിഞ്ഞിരിക്കുന്നത് ഇടം പിരിയും. ഇതിൽ വലംപിരി ശംഖ് പുരുഷ രൂപമായ വിഷ്ണുവിനെ പ്രതിനിദാനം ചെയ്യുന്നു. ഇടംപിരി ശംഖ് സ്ത്രീരൂപമായ ശക്തിയെ പ്രതിനിധാനം ചെയ്യുന്നു.

ഹൈന്ദവ വിശ്വാസപ്രകാരം ലക്ഷ്മി ശംഖ് എന്ന് അറിയപ്പെടുന്ന വലംപിരി ശംഖാണ് വളരെ പവിത്രതയുള്ളത്. ഈ ശംഖിൽ ധനദേവതയായ മഹാലക്ഷ്മി വസിക്കുന്നു എന്ന് പുരാണ കഥകളിൽ പറയുന്നത്. ഇത് വീട്ടിൽ സൂക്ഷിക്കുന്നത് ഐശ്വര്യം കൊണ്ടുവരുമെന്നാണ് പറയപ്പെടുന്നത്. തികഞ്ഞ ഭക്തിയോടെയും, ശുദ്ധിയോടെയും ഒരു സാളഗ്രാമം പോലെ വലംപിരി ശംഖ് നിത്യവും പൂജിച്ചാൽ സർവ്വ ഐശ്വര്യങ്ങളും ഉണ്ടാകുമെന്നു വിശ്വസിക്കപ്പെടുന്നു. എന്നാൽ ക്ഷേത്രങ്ങളിലും പൂജയ്‌ക്കൊന്നും വലംപിരി ശംഖ് ഉപയോഗിക്കില്ല. ശംഖനാദത്തിനായി ഇടംപിരി ശംഖാണ് ക്ഷേത്രത്തിൽ ഉപയോഗിക്കുന്നത്.