.jpg)
കാലിന്റെ പെരുവിരലിനേക്കാൾ വലുതാണോ രണ്ടാമത്തെ വിരൽ? എങ്കിൽ ഇതറിയൂ...
ഹസ്തരേഖാശാസ്ത്രം പോലെ തന്നെ ലക്ഷണ ശാസ്ത്രത്തിൽ മുഖവും പാദങ്ങൾ നോക്കിയും ഫലം പറയാറുണ്ട്. ഒരു വ്യക്തിയുടെ കാല് നോക്കിയും സ്വഭാവം നിർണയിക്കാൻ സാധിക്കും. ജീവിതത്തിൽ വരാൻ പോകുന്ന മാറ്റങ്ങളും ജീവിതത്തിൽ സംഭവിച്ച കാര്യങ്ങളും നമ്മുടെ പാദങ്ങൾ നോക്കി അറിയാൻ കഴിയും. ഭാരതത്തിലും ചൈനയിലും വർഷങ്ങൾക്കു മുൻപേ ഈ ശാസ്ത്രം പ്രചാരത്തിലുണ്ട്.
കാൽപാദത്തിലെ വിരലുകളുടെ നീളവും ആകൃതിയും നോക്കിയാണ് നമ്മുടെ സ്വഭാവവും മറ്റും കണ്ടെത്തുന്നത്.
തള്ളവിരൽ
തള്ളവിരൽ മറ്റു വിരലുകളെക്കാൾ നീളമുണ്ടെങ്കിൽ ഉത്സാഹഭരിതരും ഭാവനാശാലികളുമായിരിക്കും ഇവർ. ഏതു പ്രശ്നത്തിനും ഇവരുടെ അടുത്ത് ഉടനടി പരിഹാരം ഉണ്ടാകും. സർഗ്ഗാത്മക കഴിവുകളാൽ സമ്പന്നരുമായിരിക്കും. വസ്തുതകൾ പല വീക്ഷണകോണിലൂടെ നോക്കി കാണാൻ ഇവർക്ക് കഴിയും. ഇനി തള്ളവിരൽ മറ്റ് വിരലുകളെക്കാൾ ചെറുതാണെങ്കിൽ ഒരേ സമയത്ത് പലകാര്യങ്ങൾ ചെയ്യാൻ കഴിയുന്നവരാണ്. കാര്യപ്രാപ്തിയുള്ളവരാണ്. പുതിയ ആശയങ്ങൾക്കൊണ്ട് മറ്റുള്ളവരെ കീഴടക്കാൻ പ്രാപ്തിയുള്ളവരാണ്.
സ്ത്രീകളുടെ കാലിലെ തള്ളവിരൽ ചെറുതും രണ്ടാമത്തെ വിരൽ വലുതുമാണെങ്കിൽ ഇവർ ഭർത്താവിന്റെ വാക്കുകൾ അനുസരിക്കാൻ മടിയുള്ളവരായിരിക്കും. തന്റേടികളും മുൻകോപികളുമാണ് ഇവർ. മറ്റുള്ളവർ പറയുന്ന വാക്കുകൾക്ക് ചെവി കൊടുക്കാത്ത ഇവർ സ്വന്തം നിലയ്ക്ക് കാര്യങ്ങൾ ചെയ്യാൻ കഴിവുള്ളവരായിരിക്കും. സമൂഹത്തിൽ നേതൃത്വസ്ഥാനം വഹിക്കാൻ കെൽപ്പുള്ളവർ ആയിരിക്കും
കാലിന്റെ തള്ളവിരലിന് മറ്റ് വിരലുകളെക്കാൾ നീളം കൂടുതലുള്ളവർ ഉത്സാഹികളായിരിക്കും. ഒരേ സമയം ഒന്നിൽകൂടുതൽ പ്രവർത്തികൾ ചെയ്യാൻ പ്രത്യേക കഴിവുള്ളവരാണ് ഇക്കൂട്ടർ. തങ്ങളുടെ ആശയങ്ങൾ തന്ത്രപരമായി മറ്റുള്ളവരിൽ എത്തിക്കാനും നടപ്പാക്കാനും ഒരു പ്രത്യേക പ്രാവീണ്യം ഇവർക്കുണ്ട്. എല്ലാക്കാര്യത്തിലും കൃത്യനിഷ്ഠ പാലിക്കുന്ന ഇക്കൂട്ടർ തന്റെ പങ്കാളിയുടെ ഇഷ്ടം പിടിച്ചുപറ്റാൻ ശ്രമിക്കുന്നവരുമായിരിക്കും.
രണ്ടാമത്തെ വിരൽ
കാലിലെ രണ്ടാമത്തെ വിരൽ നീളം കൂടിയതാണെങ്കിൽ മറ്റുള്ളവരെ നയിക്കാൻ മിടുക്കരാണ്. ഉത്സാഹഭരിതരും ഭാവനാസമ്പന്നരുമായ ഇവർ നേതൃസ്ഥാനം അലങ്കരിക്കും. കാലിലെ രണ്ടാമത്തെ വിരലിന് നീളം കുറഞ്ഞാൽ ഇവരെ എളുപ്പത്തിൽ സ്വാധീനിക്കാൻ സാധിക്കും. സമാധാനം ആഗ്രഹിക്കുന്നവരാണവർ.വ്യക്തമായ നിലപാടിൽ ഉറച്ചുനിൽക്കാൻ ബുദ്ധിമുട്ടുള്ളവരായിരിക്കും ഇത്തരക്കാർ.
മൂന്നാമത്തെ വിരൽ
കാൽപാദത്തിൽ മൂന്നാമത്തെ വിരലിന് മറ്റുവിരലുകളെ അപേക്ഷിച്ച് നീളം കൂടിയിരുന്നാൽ ജോലിയിൽ സാമർത്ഥ്യമുള്ളവരായിരിക്കും. ഉറച്ച തീരുമാനവും ഉത്സാഹവും ഇവരുടെ ആഗ്രഹങ്ങളെ സഫലമാക്കും. ജോലിയോടുള്ള ആത്മാർത്ഥത കൊണ്ട് വീടും മറ്റ് സന്തോഷങ്ങളും ആഘോഷിക്കാത്തവരായിരിക്കും.മൂന്നാമത്തെ വിരലിന് നീളം കുറഞ്ഞിരിക്കുന്നവർ ജീവിതം ആസ്വദിക്കുന്നവരായിരിക്കും. ഇടവേളകൾ ആസ്വദിക്കുവാൻ ഇഷ്ടപ്പെടുന്നവരായിരിക്കും.
നാലാമത്തെ വിരൽ
കാൽപാദത്തിലെ നാലാമത്തെ വിരലിന് മറ്റു വിരലിനെക്കാൾ നീളക്കൂടുതലുണ്ടെങ്കിൽ കുടുംബത്തിന് പ്രാധാന്യം കൊടുക്കുന്നവരായിരിക്കും. ഈ വിരൽ ചുരുണ്ടുകൂടിയിരുന്നാൽ ദാമ്പത്യജീവിതം സന്തോഷപ്രദമായിരിക്കില്ല. നല്ല കേൾവിക്കാരാണിവർ. മറ്റുള്ളവരുടെ പ്രശ്നങ്ങൾ ഇവരെ അലട്ടിക്കൊണ്ടിരിക്കും. നാലാമത്തെ വിരൽ മറ്റു വിരലുകളെക്കാൾ ചെറുതായാൽ കുടുംബത്തിനോ ബന്ധങ്ങൾക്കോ വില കൽപ്പിക്കാത്തവരായിരിക്കും. മറ്റെന്തെങ്കിലും ലക്ഷ്യം വച്ചുള്ള ജീവിതമായിരിക്കും ഇവരുടേത്. വ്യക്തി ജീവിതത്തിൽ ഇപ്പോഴും പ്രശ്നങ്ങളെ നേരിടേണ്ടിയും വരും.
അഞ്ചാമത്തെ വിരൽ
ചെറുവിരൽ നാലാമത്തെ വിരലിൽ നിന്ന് മാറി കാണപ്പെട്ടാൽ ആവേശമുള്ളവരും സാഹസപ്രവർത്തനങ്ങൾ ചെയ്യാൻ ഇഷ്ടപ്പെടുന്നവരുമായിരിക്കും.ചെറുവിരൽ നാലാമത്തെ വിരലിനോടു ചേർന്നിരുന്നാൽ ഇവർ വിശ്വസ്തരും കൃത്യനിഷ്ഠയുള്ളവരുമായിരിക്കും. വലിയ ചെറുവിരലുള്ളവർ ഉത്തരവാദിത്വങ്ങൾ ഏറ്റെടുക്കാൻ വിമുഖത ഉള്ളവരായിരിക്കും.
വളഞ്ഞ വിരലുകൾ
വളഞ്ഞകാൽ വിരലുകൾ ഉള്ളവർ സ്വയം പ്രാപ്തിയുള്ളവരും സാമ്പത്തികമായി സ്വതന്ത്രരുമായിരിക്കും. വിപ്ലവകാരികളായിരിക്കും. ചെറിയ വളവുള്ള വിരലുകൾ ഉള്ളവർ സൗഹൃദങ്ങൾ ഇഷ്ടപ്പെടുന്നവരാണ്. മറ്റുള്ള വരെ സന്തോഷിപ്പിക്കാൻ ഇവർ ഇഷ്ടപ്പെടുന്നു.
നിരയൊത്തെ വിരലുകൾ
ആരോഹണക്രമത്തിലാണ് കാൽ വിരലുകളെങ്കിൽ വളരെ പ്രായോഗികതയുള്ള വ്യക്തിയായിരിക്കും. തുടങ്ങിവച്ചത് പൂർത്തീകരിക്കുന്നവരായിരിക്കും. കൃത്യനിഷ്ഠയുള്ള ജോലിക്കാരും ആത്മാർഥതയുള്ള സുഹൃത്തുക്കളുമായിരിക്കും.
പരന്ന പാദം
അധ്വാനശീലരായിരിക്കും. കൂടുതൽ തിരക്കുള്ളതിൽ സന്തോഷം കണ്ടെത്തുന്നവരാണിവർ. തിരക്കിഷ്ടപ്പെടുമെങ്കിലും സമാധാനമായി ജീവിക്കണമെന്നാണ് ഇവരുടെ ആഗ്രഹം.
നീണ്ടുമെലിഞ്ഞ പാദങ്ങൾ
അലസരായി ജീവിക്കുന്നവരാണിവർ. പക്ഷേ മികച്ച സൗന്ദര്യബോധമുള്ളവരാണിവർ. എത്ര താഴ്ന്ന വരുമാനമുള്ളവരായാലും ഇവരുടെ ഭവനം സുന്ദരമായിരിക്കും.