2022 നിങ്ങൾക്ക് എങ്ങനെ.. പുതുവർഷ സമ്പൂർണ നക്ഷത്രഫലം ഇതാ..

2022 നിങ്ങൾക്ക് എങ്ങനെ..? പുതുവർഷ സമ്പൂർണ നക്ഷത്രഫലം ഇതാ..

അശ്വതി :

അനുകൂല ഫലങ്ങൾ അധികരിക്കുന്ന കാലമാണ്. സാമ്പത്തിക സ്ഥിതിയിൽ അപ്രതീക്ഷിത മുന്നേറ്റം. കുടുംബ സൗഖ്യം വർധിക്കും. വിവാഹം ആലോചിക്കുന്നവർക്ക് മനസ്സിണങ്ങിയ ജീവിത പങ്കാളിയെ ലഭിക്കും. ശാരീരിക വിഷമതകൾ വിട്ടൊഴിയും. വിദേശ തൊഴിൽ നേട്ടങ്ങൾ കൈവരിക്കും. കുടുംബത്തിൽ മംഗളകർമങ്ങൾ നടക്കും. പുതിയ വാഹന ലാഭം. ഭവന നിർമാണം പൂർത്തീകരിക്കും. പണമിടപാടുകളിൽ നേട്ടം. രോഗ ദുരിതത്തിൽ നിന്ന് ആശ്വാസം. ദേശം വെടിഞ്ഞുള്ള യാത്രകൾ വേണ്ടി വരും. ബന്ധുജന സഹായം ലഭിക്കും.

ഭരണി :

പൊതുവെ നേട്ടങ്ങൾ ഉണ്ടാകുന്ന കാലമാണ്. ധനപരമായി നേട്ടങ്ങൾ. ബിസിനസ്സ് രംഗത്ത് നേട്ടം. വിദ്യാർഥികൾക്ക് മികവ് പ്രകടിപ്പിക്കുവാൻ അവസരം ലഭിക്കും. വ്യവഹാരങ്ങളിൽ അനുകൂല വിധി ലഭിക്കും. സാമ്പത്തിക വിഷമതകൾ മാറും. യാത്രകൾ വഴി നേട്ടം കൈവരിക്കും. സേനാ വിഭാഗങ്ങളിൽ ജോലി ലഭിക്കുവാൻ അവസരം. ജോലിയിൽ പുതിയ ഉത്തരവാദിത്തങ്ങൾ ഏറ്റെടുക്കേണ്ടിവരും. വിവാഹ ആലോചനകളിൽ അനുകൂലബന്ധം ലഭിക്കും. മനസ്സിന് സന്തോഷം നൽകുന്ന വാർത്തകൾ കേൾക്കുവാനിടവരും. അലസത വെടിയും. മാനസികമായ പിന്തുണ ബന്ധുക്കളിൽ നിന്ന് ലഭിക്കും .

കാർത്തിക :

അനുകൂല ഫലങ്ങൾ ലഭിക്കുന്ന വർഷമാണ്. സർക്കാർ മേഖലയിലോ സ്വകാര്യ സ്ഥാപനങ്ങളിലോ തൊഴിൽ ലഭിക്കുവാൻ അവസരം. താത്ക്കാലിക ജോലി സ്ഥിരപ്പെടും. മനസ്സിൽ നിലനിന്നിരുന്ന വിഷമതകൾ വിട്ടൊഴിയും. കടബാദ്ധ്യതകൾ തീർക്കും. പണമിടപാടുകളിൽ കൃത്യത പുലർത്തും. വിദ്യാർഥികൾക്ക് ഉപരിപഠനത്തിനുള്ള പരിശ്രമത്തിൽ വിജയം കാണും. ബന്ധുജനങ്ങളുമായി നിലനിന്നിരുന്ന അഭിപ്രായഭിന്നതകൾ ശമിക്കും. ആരോഗ്യപരമായ വിഷമതകൾ വിട്ടൊഴിയും. സുഹൃത്തുക്കളുമായി ചേർന്ന് പുതിയ സംരംഭങ്ങൾക്ക് തുടക്കം കുറിക്കും .

രോഹിണി :

ഗുണദോഷ സമ്മിശ്രമായ വർഷമാണ്. ആരോഗ്യപരമായി വളരെ ശ്രദ്ധിക്കേണ്ട കാലമാണ്. പാരമ്പര്യജന്യ രോഗങ്ങളായ പ്രമേഹം മുതലായവ പിടിപെടാനുള്ള സാധ്യത അധികരിച്ചു നിൽക്കുന്നു. സന്താനങ്ങളെക്കൊണ്ടുള്ള അനുഭവഗുണവും കുറവായിരിക്കും. അതിനാൽ അവരെ പ്രത്യേകം ശ്രദ്ധിക്കുക. പെട്ടെന്ന് കലഹിക്കുവാനുള്ള പ്രവണത അധികരിക്കും. പൊതു പ്രവർത്തകർ പ്രത്യേക കരുതൽ ഇക്കാര്യത്തിലെടുക്കുക. വളരെ ഉത്തരവാദിത്തം നിറഞ്ഞ നിയമനങ്ങൾ ലഭിക്കും. ഗൃഹ നിർമാണത്തിൽ അവിചാരിത തടസ്സം നേരിടാം. വിദ്യാർഥികൾ സുഹൃത്തുക്കളുമായി ചേർന്നുള്ള പഠനരീതി ഉപേക്ഷിക്കണം. സുഹൃത്തുക്കളിലൂടെ അപകടങ്ങളിൽ ചാടാൻ സാധ്യത ഉണ്ട്. തൊഴിൽ രംഗത്ത് അവിചാരിത തടസ്സങ്ങൾ ഉണ്ടാവാം .

മകയിരം :

ഗുണപരമായി തുടങ്ങി ക്രമേണ പ്രതികൂലമാവുന്ന വർഷമാണ്. മാനസികസംഘർഷം അധികരിക്കും. അനാവശ്യചിന്ത മനസ്സിനെ മഥിക്കും. ഇല്ലാത്ത രോഗത്തെക്കുറിച്ച് മനസ്സ് വ്യാകുലപ്പെടും. സാമ്പത്തികപരമായ നേട്ടങ്ങൾക്കായി കഠിനപ്രയത്നം വേണ്ടി വരും. വരവിനൊപ്പം ചെലവും അധികരിക്കും. ഗൃഹത്തിലും വാഹനത്തിലും അറ്റകുറ്റ പണികൾ വേണ്ടി വരും. വളരെ അടുത്ത സുഹൃത്തുക്കളുമായി മാനസിക അകൽച്ചയ്ക്കു സാധ്യത. സ്വദേശം വെടിഞ്ഞു താമസിക്കേണ്ടി വരും. വിദ്യാർഥികൾക്ക് അലസത പിടിപെടാവുന്ന കാലമാണ്. പിതൃജനദുരിതമുണ്ടാകും. വിദ്യാർഥികൾക്ക് ചെറിയ തടസ്സങ്ങൾ നേരിടും. പഠനത്തിൽ ശ്രദ്ധ കുറയും. ബിസിനസ്സിൽ തടസ്സം മാറി മുന്നേറും

തിരുവാതിര :

പ്രതികൂലമായി ക്രമേണ അനുകൂലമാകുന്ന ഫലങ്ങളാണുണ്ടാവുക. സാമ്പത്തികവിഷമം തുടക്കത്തിൽ നേരിടുമെങ്കിലും ക്രമേണ വളരെ മെച്ചപ്പെടും. ദീർഘകാലമായി നിലനിന്നിരുന്ന കടങ്ങൾ പരിപൂർണമായി വീട്ടുവാൻ സാധിക്കും. ബന്ധുജനങ്ങളിൽ നിന്നുള്ള സഹകരണം വർധിക്കും. സന്താനങ്ങളെക്കൊണ്ടുള്ള അനുഭവഗുണം വർധിക്കും. ബിസിനസ്സിൽ പുതിയ മേഖലകൾ കണ്ടെത്തും. പുതിയ ജോലി, ഉപരിപഠനത്തിൽ പ്രവേശനം എന്നിവ ആഗ്രഹിക്കുന്നവർക്ക് അവ ലഭിക്കും. സന്താനങ്ങളില്ലാതെ വിഷമിക്കുന്നവർക്ക് ഉത്തമസന്താനലാഭമുണ്ടാകുന്ന കാലമാണ്. അവിചാരിതമായി അധിക ചെലവ് നേരിടാവുന്നതാണ്.

പുണർതം :

ഗുണദോഷ സമ്മിശ്രമായ ഫലങ്ങൾ അനുഭവത്തിൽ വരുന്ന കാലമാണ്. രോഗദുരിത സാധ്യത നിലനിൽക്കുന്ന കാലമായതിനാൽ ശ്രദ്ധിക്കുക. ബന്ധുജനഗുണം വർധിക്കും അകന്നു കഴിഞ്ഞിരുന്ന ബന്ധുക്കൾ പിണക്കം മാറി തിരികെയെത്തും. വിവാഹ മോചനം വരെയെത്തിയ തർക്കങ്ങൾ രമ്യമായി പരിഹരിച്ച് ദമ്പതികൾ ഒന്നു ചേരും. ശാരീരികമായി നിലനിന്നിരുന്ന അവശതയകലും. ഭൂമിയിൽ നിന്നോ കാർഷികമേഖലയിൽ നിന്നോ ധനലാഭം പ്രതീക്ഷിക്കാം. അശ്രദ്ധമൂലം ധനനഷ്ടം സംഭവിക്കാതെ ശ്രദ്ധിക്കുക. രോഗദുരിതത്തിൽ നിന്നുള്ള മോചനം മനസ്സിന് ആശ്വാസം നൽകും.

പൂയം :

ഗുണദോഷ ഫലങ്ങൾ മാറി വരുന്ന കാലമാണ്. ആരോഗ്യപരമായി വളരെ ശ്രദ്ധിക്കുക. ഔഷധങ്ങൾക്കായി പണച്ചെലവ് ഉണ്ടാകും. ബന്ധു ഗുണം വർധിച്ചു നിൽക്കുന്ന കാലമാണ്. ബന്ധുജന സഹായത്തോടെ തൊഴിൽലാഭം, വിവാഹലാഭം എന്നിവയുണ്ടാകും. ആശ്രയിച്ചു നിൽക്കുന്നവരിൽ നിന്ന് മികച്ച പിന്തുണ ഉണ്ടാകും. ദാമ്പത്യ ജീവിത സൗഖ്യം കൈവരിക്കും. വാഹന സംബന്ധിയായ ചെലവ് അധികരിക്കും. ഗൃഹ നിർമാണത്തിന് ദീർഘകാലമായി ആഗ്രഹിച്ചിരുന്നവർക്ക് ആഗ്രഹ സാഫല്യം ഉണ്ടാകും. പണി പൂർത്തിയാക്കിയ വീടുകൾ, ഫ്ളാറ്റുകൾ എന്നിവ വാങ്ങുവാൻ യോഗമുണ്ട്. കടങ്ങൾ വീട്ടുവാനും പണയ ഉരുപ്പടികൾ തിരിച്ചെടുക്കുവാനും സാധിക്കും.

ആയില്യം :

കർമരംഗത്ത് അപ്രതീക്ഷിത നേട്ടം. അധികാരകേന്ദ്രത്തിലെ മത്സരങ്ങൾ തരണം ചെയ്യും. കുടുംബത്തിൽ സമാധാന ശ്രമങ്ങൾക്കു നേതൃത്വം നൽകും. സന്താനങ്ങൾക്ക് അന്യദേശത്തു തൊഴിൽ ഔന്നിത്യം. ഗൃഹ നിർമാണത്തിന് ഉറ്റവരിൽ നിന്നും ധനസഹായം ലഭിക്കും. സാങ്കേതിക മേഖലയിൽ തൊഴിൽ ലഭിക്കും. ജീവിതപങ്കാളിക്കു തൊഴിൽപരമായി അനുകൂലസമയം. ബിസിനസ്സിൽ ഗുണകരമായ ആശയങ്ങൾ നടപ്പിലാക്കും. ഇരുചക്ര വാഹനം വാങ്ങാനുള്ള ആഗ്രഹം സഫലമാകും. സ്വഗൃഹം വിട്ടു താമസിക്കും. വ്യവഹാരങ്ങളിൽ എതിരാളികൾക്കു മേൽ വിജയം കൈവരിക്കും. പ്രവേശന പരീക്ഷ, മത്സരപ്പരീക്ഷ തുടങ്ങിയവയിൽ നിന്ന് വിജയം നേടും. കാർഷിക രംഗത്ത് നേട്ടം ഉണ്ടാകും.

മകം :

പൊതുവെ അനുകൂല ഫലങ്ങൾ അധികരിക്കുന്ന വര്‍ഷമായിരിക്കും. ആരോഗ്യപരമായ വിഷമതകൾ ശമിക്കും. സ്ഥിരമായി നിലനിന്നിരുന്ന രോഗാവസ്ഥയിൽ നിന്ന് മോചനം ലഭിക്കും. സാമ്പത്തിക പുരോഗതി കൈവരിക്കും. ബന്ധു ജനങ്ങളിൽ നിന്നുള്ള സഹായം വർധിക്കും. ഭൂമി ക്രയവിക്രയം വഴി കടങ്ങൾ വീട്ടുവാൻ സാധിക്കും. തൊഴിൽ രഹിതരായിരുന്നവർക്ക് താൽക്കാലിക ജോലികളും തുടർന്ന് സ്ഥിര നിയമനവും ലഭിക്കുവാൻ അവസരമൊരുങ്ങും. ഉന്നതപഠനത്തിന് പ്രവേശനം ലഭിക്കും. പുതിയ പ്രണയ ബന്ധങ്ങൾ ഉണ്ടാവും. വിവാഹമാലോചിക്കുന്നവർക്ക് ഉത്തമബന്ധങ്ങൾ ലഭിക്കും. വിദ്യാർഥികൾക്ക് അനുകൂല സമയം.

പൂരം :

ഗുണപരമായ നേട്ടങ്ങൾ കൈവരിക്കാവുന്ന കാലമാണ്. തടസ്സങ്ങൾ വിട്ടൊഴിയും. ഭൂമി വിൽപ്പന വഴി നേട്ടങ്ങൾ ഉണ്ടാകും . ബന്ധുജനങ്ങൾക്കു ഉന്നത സ്ഥാന ലബ്ധി, സഹോദരർ, സഹപ്രവർത്തകർ എന്നിവരിൽ നിന്ന് സഹായം ലഭിക്കുക വഴി കാര്യങ്ങൾ സാധിക്കും. രോഗ ദുരിതത്തിൽക്കഴിഞ്ഞവർക്ക് ആശ്വാസം ലഭിക്കും. സാമ്പത്തികാഭിവൃദ്ധി കൈവരിക്കാവുന്ന കാലമാണ്. തൊഴിൽരംഗത്ത് വലിയ നേട്ടങ്ങൾ കൈവരിക്കാനും സാധിക്കും. പുതിയ തൊഴിൽ മേഖലകളിൽ എത്തിപ്പെടും. വിദേശ ജോലി നഷ്ടപ്പെട്ടവർക്ക് വിദേശത്തു തന്നെ പുതിയ ജോലികൾ ലഭിക്കാം.

ഉത്രം :

ഗുണദോഷ സമ്മിശ്രമായ ഫലമാണ് അനുഭവത്തിൽ വരുന്നത്. സാമ്പത്തിക വിഷമതകൾ തരണം ചെയ്യും. ബിസിനസ്, തൊഴിൽ മേഖല ഇവ പുഷ്‌ടിപ്പെടുമെങ്കിലും മാനസിക സംഘർഷം അധികരിക്കും. സുഹൃദ് സഹായത്താൽ തടസ്സങ്ങൾ തരണം ചെയ്ത് മുന്നോട്ടു നീങ്ങും. സന്താനങ്ങൾക്ക് ഗുണപരമായ കാലമാണ്. അവർക്കുണ്ടാകുന്ന നേട്ടങ്ങൾ മനസ്സിന് സന്തോഷം നൽകും. കേസുകൾ, തർക്കങ്ങൾ, വ്യവഹാരങ്ങൾ എന്നിവ ഉണ്ടാവുന്ന കാലമായതിനാൽ ശ്രദ്ധിക്കുക. പൈതൃക സ്വത്തിന്റെ അനുഭവഗുണം ഉണ്ടാകും. മേലുദ്യോഗസ്ഥർ, തൊഴിലുടമകൾ എന്നിവരുമായി ഉരസലുകൾ ഉണ്ടാവാം .

അത്തം :

ഗുണദോഷസമ്മിശ്രമായ കാലമാണ്. സാമ്പത്തികപരമായ ബുദ്ധിമുട്ടുകൾ നേരിടും. തൊഴിലിൽ നിന്നും വസ്തുവിൽപ്പന, ഏജൻസി ജോലികളിൽ നിന്നും ധനപുഷ്ടി കൈവരിക്കും. അമിതവ്യയം നേരിടേണ്ടി വരും. ആരോഗ്യപരമായി അനുകൂലകാലമായിരിക്കും. അനുഭവിച്ചു കൊണ്ടിരുന്ന രോഗദുരിതങ്ങളിൽ നിന്ന് വിടുതൽ നേടും. ഗൃഹ നിർമാണം സാധ്യമാകുന്ന കാലമാണ്. ഭൂമിയിൽ നിന്നുള്ള ആദായവും പ്രതീക്ഷിക്കാം. സന്താനങ്ങളുടെ വിവാഹം സാധ്യമാകും. തൊഴിൽപരമായി സന്താനങ്ങൾക്ക് അഭ്യുന്നതിയുണ്ടാകും.

ചിത്തിര :

അരിഷ്ടതകൾ വിട്ടൊഴിയും. നഷ്ടപ്പെട്ട ആത്മവിശ്വാസം തിരിച്ചു കിട്ടുന്ന കാലമാണ്. തൊഴിൽപരമായ തിരക്ക് വർധിക്കും. കുടുംബ കാര്യങ്ങളിൽ ശ്രദ്ധ കുറയും. അതിനാൽ ഉണ്ടാവുന്ന മാനസിക സംഘർഷം നേരിടേണ്ടിവരും. വിവാഹമാലോചിച്ചു നടക്കാതിരുന്നവർക്ക് തടസ്സം മാറി മികച്ച ബന്ധം ലഭിക്കും. സഹോദരർ, അടുത്ത ബന്ധുക്കൾ എന്നിവരിൽ നിന്നുള്ള സഹായം വർധിക്കും. ജീവിത പങ്കാളിക്ക് തൊഴിൽപരമായ നേട്ടമുണ്ടാകും. പുതിയ ഫ്‌ളാറ്റ്, വീട് എന്നിവ വാങ്ങുവാൻ യോഗം.

ചോതി :

കർമരംഗത്ത് നേട്ടം കൈവരിക്കും. തൊഴിൽപരമായി അനന്ത സ്ഥാന ലബ്ധി, മേലധികാരികളുടെ അധികപ്രീതി സമ്പാദിക്കും. വരുമാനവർധനയുണ്ടാകും. മനസ്സിൽ നില നിന്നിരുന്ന ആഗ്രഹങ്ങൾ ഓരോന്നായി സാധിക്കും. ദാമ്പത്യ ജീവിതത്തിൽ നിലനിന്നിരുന്ന അസ്വസ്ഥതകൾ ശമിക്കും. പിതാവിനോ കുടുംബത്തിലെ മുതിർന്ന അംഗങ്ങൾക്കോ രോഗദുരിതം, ആശുപത്രിവാസം എന്നിവ വേണ്ടി വരും. വാഹനം മാറ്റി വാങ്ങും. സർക്കാർ ജീവനക്കാർക്ക് ഉദ്യോഗക്കയറ്റം ലഭിക്കും.

വിശാഖം :

അനുകൂല വർഷമാണ്. തടസ്സപ്പെട്ടുകിടന്നിരുന്ന കാര്യങ്ങളിൽ പുരോഗതിയുണ്ടാകും. നടപ്പാകില്ല എന്ന് കരുതിയിരുന്ന പല കാര്യങ്ങളും സാധ്യമാകും. ആരോഗ്യപരമായ വിഷമതകൾ ഇടയ്ക്കിടെ അനുഭവിക്കേണ്ടി വരും. പാരമ്പര്യജന്യ രോഗങ്ങൾ വർധിക്കാൻ സാധ്യത. വിദേശയാത്രയ്ക്ക് യോഗമുണ്ട്. ഓഹരിവിപണി, ഊഹക്കച്ചവടം എന്നിവയിലൂടെ നേട്ടങ്ങളുണ്ടാകും. ധൃതിപിടിച്ചുള്ള തീരുമാനങ്ങൾ വഴി ധന നഷ്ടത്തിനും സാധ്യത. വിദ്യാർഥികൾക്ക് തൊഴിൽദാതാക്കൾ വഴി നേരിട്ട് ജോലി ലഭിക്കും.

അനിഴം :

തൊഴിൽപരമായ സ്ഥാനമാറ്റത്തിന് യോഗം കാണുന്നു. വ്യവഹാരങ്ങൾ നടത്തുന്നവർക്ക് അഭിഭാഷകരുടെ ശ്രദ്ധക്കുറവിനാൽ പരാജയം സംഭവിക്കാം. ആരോഗ്യ സംബന്ധമായ വിഷമതകൾ നേരിടും. പ്രൊഫഷണൽ മേഖലയിൽ പഠനം നടത്തുക, ജോലി ലഭിക്കുക എന്നിവയുണ്ടാകും. പ്രണയബന്ധങ്ങൾ വിവാഹത്തിലെത്തും. ഗൃഹ നിർമാണത്തിൽ നിലനിന്നിരുന്ന അവിചാരിത തടസ്സം നീങ്ങും. വിലപിടിപ്പുള്ള ആഭരണങ്ങൾ, ഉപകരണങ്ങൾ എന്നിവ മോഷണം പോകുവാനുള്ള സാധ്യത നിലനിൽക്കുന്നു. സുഹൃത്തുക്കൾക്ക് പണം കടം നൽകി പിന്നീട് വിരോധം സമ്പാദിക്കും.

തൃക്കേട്ട :

ഗുണപരമായ മാറ്റങ്ങൾ കൈവരുന്ന വർഷമാണ്. വളരെ പ്രധാനപ്പെട്ട പ്രധാന തീരുമാനങ്ങളെടുക്കും. മാനസികമായി പ്രത്യേക ബലം കൈവരും. ജോലിക്കുള്ള പരിശ്രമം വിജയിക്കും. വിദേശ ജോലി നഷ്ടപ്പെട്ടവർക്ക് പുതിയ ജോലി ലഭിക്കുകയും ചെയ്യും. വിദ്യാർഥികൾക്ക് ഉപരിപഠനത്തിന് പ്രവേശനം ലഭിക്കും. ദാമ്പത്യജീവിതസൗഖ്യം അനുഭവത്തിൽ വരുന്ന കാലമാണ്. കൃത്യമായ ആസൂത്രണത്തോടെ ഗൃഹനിർമാണം തുടങ്ങി പൂർത്തീകരിക്കുവാൻ സാധിക്കും. വിവാഹാലോചനകളിൽ വിജയം കൈവരിക്കും. മനസ്സിനിണങ്ങിയ ജീവിതപങ്കാളിയെ ലഭിക്കും.

മൂലം:

അനുകൂല ഫലങ്ങൾ അധികരിക്കുന്ന കാലമാണ്. തടസ്സപ്പെട്ടു കിടന്നിരുന്ന കാര്യങ്ങൾ വിജയത്തിലെത്തും. പൊതുപ്രവർത്തനരംഗത്തു നേട്ടം കൈവരിക്കും. കലാരംഗത്ത് പ്രവർത്തിക്കുന്നവർക്കും ഉന്നതി. തൊഴിൽപരമായി നേരിട്ടിരിക്കുന്ന വിഷമതകൾ തരണം ചെയ്യും. വിവാഹമാലോചിക്കുന്നവർക്കു ഉത്തമ ബന്ധം ലഭിക്കും. ഭക്ഷണസുഖം വർധിക്കും. ബന്ധു സമാഗമം ഉണ്ടാകും. സാമ്പത്തികമായി പുരോഗതി പ്രതീക്ഷിക്കാം. ഭാഗ്യാനുഭവങ്ങൾ ഉണ്ടാകും. വാഹനലാഭമുണ്ടാകും. സഹോദരങ്ങൾ മുഖേന മാനസിക സന്തോഷം ലഭിക്കും. കുടുംബത്തിൽ സമാധാനാന്തരീക്ഷം സംജാതമാകും.

പൂരാടം:

ദീർഘകാലമായി ആഗ്രഹിച്ചിരുന്ന കാര്യങ്ങളിൽ വിജയം. കലാരംഗത്തു പ്രവർത്തിക്കുന്നവർക്ക് പ്രശസ്‌തി. വിദേശത്തു ജോലിക്കു ശ്രമിക്കുന്നവർക്കു അനുകൂല കാലമാണ്. മികച്ച സ്ഥാപനത്തിൽ നിന്നും മേന്മയുള്ള ഓഫർ. വാടകഗൃഹത്തി ൽ നിന്നും മാറും. ക്യാമ്പസ്, ഇന്റർവ്യൂതുടങ്ങിയവയിൽ നിന്ന് മികച്ച ജോലി. വസ്തു തർക്കം ന്യായമായി പരിഹരിക്കും. പുതിയ ഗൃഹോപകരണങ്ങൾ വാങ്ങും. ബിസിനസ്സിൽ മികച്ച നേട്ടം. ഗൃഹം മോടിപിടിപ്പിക്കും. സന്താന ഗുണം ഉണ്ടാകും. നഷ്ടപ്പെട്ടെന്ന് കരുതിയ വസ്തുതവകകൾ തിരികെ ലഭി ക്കും. പഴയ വാഹനം മാറ്റി വാങ്ങുവാൻ സാധിക്കും. സന്താനങ്ങൾക്ക് പുരോഗതി.

ഉത്രാടം:

മാനസികമായ വിഷമതകൾ ശമിക്കും. ധനപരമായി മികച്ച നേട്ടങ്ങൾ ഉണ്ടാകും. തൊഴിൽ രംഗത്ത് മികച്ച നേട്ടങ്ങൾ, പുതിയ തൊഴിൽ സംരംഭങ്ങൾക്കായി തുടക്കം കുറിക്കും. ഭൂമിയിടപാടുകളിൽ നിന്ന് നേട്ടം പ്രതീക്ഷിക്കാം. രോഗാവസ്ഥയിൽ കഴിഞ്ഞിരുന്നവർക്ക് ആശ്വാസം പ്രതീക്ഷിക്കാം. ദീർഘ ദൂര യാത്രകൾ വേണ്ടി വരും. സാമ്പത്തിക ഉന്നമനം കൈവരിക്കും. പ്രണയ ബന്ധിതർക്കു വീട്ടുകാരിൽ നിന്ന് അംഗീകാരം ലഭിക്കും. മൂല്യ നിക്ഷേപങ്ങളിൽ നിന്നുള്ള ധനലാഭം പ്രതീക്ഷിക്കാം. ഉന്നത സ്ഥാനീയരുമായി മികച്ച ബന്ധം സ്ഥാപിക്കും. രാഷ്ട്രീയ രംഗത്ത് പ്രവർത്തിക്കുന്നവർക്ക് അനുകൂല സമയമാണ്. ഉദര സംബന്ധമായി നിലനിന്നിരുന്ന വിഷമതകൾ ശമിക്കും. വിദ്യാർഥികൾക്ക് അനന്ത വിജയം .

തിരുവോണം:

ദീർഘകാലമായി അനുഭവിച്ചിരുന്ന വിഷമതകളിൽ നിന്ന് മോചനം. തൊഴിൽ രംഗം ശോഭനമാകും. പ്രാഫഷണൽ കോഴ്‌സുകളിൽ ഉന്നത വിജയം. സാമ്പത്തിക അഭിവൃദ്ധി. തൊഴിൽ രംഗത്ത് ഉത്തരവാദിത്തം വർധിക്കും. ഭവന നിർമാണം പൂർത്തീകരിക്കും. പുതിയ ഗൃഹോപകരണങ്ങൾ വാങ്ങും. സന്താനങ്ങൾക്ക് ഉന്നത വിദ്യാഭ്യാസ നേട്ടം. വിദേശ ജോലി ലഭിക്കും. സാമ്പത്തിക ബാധ്യതകൾ തീർക്കും. സന്താനങ്ങൾ മുഖേന മനഃസന്തോഷം കൈവരിക്കും. എതിരാളികളിൽ നിന്നുള്ള അരിഷ്ടത കുറയും. ഉപരിപഠന ത്തിന് സ്കോളർഷിപ് ലഭിക്കും. വിവാഹത്തിനുണ്ടായിരുന്ന തടസ്സം മാറും.

അവിട്ടം:

ആരോഗ്യപരമായ തടസ്സങ്ങൾ മാറും. മാനസികമായി നിലനിന്നിരുന്ന വിഷമങ്ങൾ ശമിക്കും. സാമ്പത്തിക ഭദ്രത കൈവരിക്കും . ധനകാര്യ സ്ഥാപനങ്ങളിൽ നിന്ന് ആനുകൂല്യങ്ങൾ പ്രതീക്ഷിക്കാം. ഗൃഹനിർമാണ വസ്തുക്കൾക്കായി പണച്ചെലവ് ഉണ്ടാകും. ആഗ്രഹിച്ചിരുന്ന ജോലിക്ക് നിയമന ഉത്തരവ് ലഭിക്കും. കുടുംബത്തിൽ നിലനിന്നിരുന്ന അസ്വസ്ഥകൾ വിട്ടൊഴിയും. സന്താനങ്ങളുടെ വിവാഹ കാര്യത്തിൽ തീരുമാനം ഉണ്ടാകും. ജീവിത പങ്കാളിക്ക് സർക്കാർ തല ബഹുമതി. ഗവേഷണ രംഗത്ത് അന്തർദേശീയ തലത്തിൽ അംഗീകാരം. മാതൃസ്വത്തിന്റെ വീതം ലഭിക്കും. ബിസിനസ്സിൽ ഉന്നത വിജയം കൈവരിക്കുവാൻ സാധിക്കും .

ചതയം:

ഗുണ ദോഷസമ്മിശ്രമായ വർഷമാണ്. വിദേശ തൊഴിൽ ലാഭത്തിനു സാധ്യത. ഗൃഹലാഭം. സേനാവിഭാഗങ്ങളിൽ സ്ഥാനക്കയറ്റം. വാസസ്ഥാനം വെടിഞ്ഞു താമസിക്കേണ്ടി വരും. വ്യാപാരം അഭിവൃദ്ധിപ്പെടും. വിവാഹ ആലോചനകളിൽ തീരുമാനമെടുക്കും. മനസ്സിനിണങ്ങിയ ജീവിത പങ്കാളിയെ ലഭിക്കും. കോടതികളിൽ നിലനിന്നിരുന്ന കേസുകൾ വിജയം കൈവരിക്കും. സാമ്പത്തികപരമായ മേൽഗതി കൈവരിക്കും. പ്രണയ ബന്ധങ്ങളിൽ അനുകൂല തീരുമാനം കൈക്കൊള്ളും. ബന്ധുജന സഹായം വർധിക്കും. ആരോഗ്യപരമായി അധിക ശ്രദ്ധ പുലർത്തുക. ആശുപത്രി വാസം വേണ്ടി വന്നേക്കാം .

പൂരുരുട്ടാതി :

സാമ്പത്തിക സ്ഥിതിയിൽ ഏറ്റക്കുറച്ചിലുകൾ. സാമ്പത്തിക വിഷമതകൾ നേരിടും. ശാരീരികമായ വിഷമതകൾ വിട്ടൊഴിയും. വിദേശ തൊഴിൽ നേട്ടങ്ങൾ കൈവരിക്കും. സകുടുംബം ദീർഘ യാത്രകൾ വേണ്ടിവരും. വാഹനം മാറ്റി വാങ്ങുന്നതിന് സാധിക്കും. ഭവന നിർമാണം പൂർത്തീകരിക്കും. വ്യവഹാരങ്ങളിൽ അവിചാരിതമായ തിരിച്ചടികൾ, രോഗ ദുരിതത്തിൽ നിന്ന് ആശ്വാസം. പതിവിൽ കൂടുതൽ യാത്രകൾ വേണ്ടി വരും. സന്താനങ്ങൾക്ക് ഉന്നത വിജയം. ജോലി ലാഭം ഇവയുണ്ടാകും. അകന്നു കഴിഞ്ഞിരുന്ന ദമ്പതികൾ ഒന്നിക്കും. ഭൂമി ക്രയവിക്രയത്തിലൂടെ ധനലാഭം .

ഉത്തൃട്ടാതി:

ബിസിനസ്സ് രംഗത്ത് നേട്ടം. വിദ്യാർഥികൾക്ക് മികവ് പ്രകടിപ്പിക്കുവാൻ അവസരം ലഭിക്കും. വ്യവഹാരങ്ങളിൽ അനുകൂല വിധി ലഭിക്കും. സാമ്പത്തിക വിഷമതകൾ നേരിടേണ്ടിവരും. യാത്രകൾ വഴി നേട്ടം കൈവരിക്കും. വിദേശ ജോലിക്ക് അവസരം. ബിസിനസ്സിൽ പണം മുടക്കുവാൻ അനുകൂല കാലമല്ല. ദാമ്പത്യ ജീവിതത്തിൽ ചെറിയ വിഷമതകൾ നേരിടും. വിവാഹ ആലോചനകളിൽ തീരുമാനം നീണ്ടുപോകുന്നത്തിന് സാധ്യത ഉണ്ട്. മനസ്സിന് സന്തോഷം നൽകുന്ന വാർത്തകൾ കേൾക്കുവാനിടവരും. അലസത വെടിഞ്ഞു പ്രവർത്തിച്ചാൽ മാത്രമേ വിജയം കൈവരിക്കുവാൻ സാധിക്കുകയുള്ളു .

രേവതി :

പുതിയ തൊഴിൽ അവസരങ്ങൾ, ബന്ധുഗുണം വർധിക്കും. താൽക്കാലിക ജോലി സ്ഥിരപ്പെടും. മനസ്സിൽ അനാവശ്യ ചിന്തകൾ, വിഷമതകൾ ഇവ ഉണ്ടായിക്കൊണ്ടിരിക്കും. കടബാധ്യതകൾ ഉണ്ടാകുവാൻ ഇടയുണ്ട്, പക്ഷെ പണമിടപാടുകളിൽ കൃത്യത പുലർത്തും. വിദ്യാർഥികൾക്ക് ഉപരിപഠനത്തിനുള്ള പരിശ്രമത്തിൽ വിജയം കാണും. സുഹൃത്തുക്കളുമായി നിലനിന്നിരുന്ന അഭിപ്രായ ഭിന്നതകൾ ശമിക്കും. ആരോഗ്യപരമായ വിഷമതകൾ നേരിടാം. ചെറിയ വീഴ്ച, പരിക്ക് എന്നിവയ്ക്ക് സാധ്യത. സുഹൃത്തുക്കളുമായി ചേർന്ന് ബിസിനസ്സ് ആരംഭിക്കുന്നതിന് ആലോചിക്കും .