വൃശ്ചികത്തിലെ കറുത്തപക്ഷ പ്രദോഷം ഇന്ന് : ശിവപ്രീതിക്കായി വ്രതമനുഷ്ഠിച്ചാൽ..

വൃശ്ചികത്തിലെ കറുത്തപക്ഷ പ്രദോഷം ഇന്ന് : ശിവപ്രീതിക്കായി വ്രതമനുഷ്ഠിച്ചാൽ..

വൃശ്ചികത്തിലെ കറുത്തപക്ഷ പ്രദോഷം ഇന്ന്. ശിവപ്രീതിക്കായി വ്രതമനുഷ്ഠിക്കുക.രോഗദുരിതശമനം, മംഗല്യ തടസ്സം മാറുക, വിദ്യാപ്രാപ്തി ഇവയ്ക്കായി പരമശിവനെ പ്രീതിപ്പെടുത്താം. പഞ്ചാക്ഷരീ മന്ത്രവും ശിവപഞ്ചാക്ഷരീ സ്‌തോത്രവും ശിവസഹസ്രനാമവും ശിവാഷ്ടകവും ജപിച്ചു കൊണ്ട് പ്രദോഷ ദിനം മുഴുവന്‍ ശിവ ഭഗവാനെ ഭജിക്കണം.

പ്രദോഷ ദിനത്തില്‍ രാവിലെ കുളിച്ചു ശുദ്ധിയായി വിളക്ക് കൊളുത്തി പഞ്ചാക്ഷരീ ജപത്തോടെ ശിവക്ഷേത്ര ദര്‍ശനം നടത്തുകയും ശിവ ഭഗവാന് കൂവളമാലയും എണ്ണയും സമര്‍പ്പിക്കുകയും ജലധാര നടത്തുകയും ചെയ്യണം.

പകല്‍ മുഴുവന്‍ ഉപവസിക്കുന്നത് തന്നെയാണ് നല്ലത് എങ്കിലും അതിന് സാധിക്കാത്തവര്‍ ക്ഷേത്രത്തില്‍ നിന്നും ലഭിക്കുന്ന നേദ്യ ചോര്‍ കഴിക്കുന്നതാണ് ഉത്തമം. പ്രദോഷ ദിവസം എണ്ണ തേച്ചു കുളിക്കാന്‍ പാടില്ല എന്നും പറയപ്പെടുന്നുണ്ട്.

കൂടാതെ സന്ധ്യ സമയത്ത് കഴിവതും വ്രതം ഉള്ളവര്‍ ക്ഷേത്രത്തില്‍ പ്രദോഷ പൂജയിലും ദീപാരാധനയിലും പങ്ക് കൊള്ളണം. ഭഗവാന് നേദിക്കുന്ന കരിക്കില്‍ നിന്നുള്ള ജലം സേവിച്ചു കൊണ്ടോ ക്ഷേത്രത്തില്‍ നിന്നും ലഭിക്കുന്ന അവലോ മലരോ പഴമോ കൊണ്ടോ ഉപവാസം അവസാനിപ്പിക്കാവുന്നതാണ്.

The post വൃശ്ചികത്തിലെ കറുത്തപക്ഷ പ്രദോഷം ഇന്ന് : ശിവപ്രീതിക്കായി വ്രതമനുഷ്ഠിച്ചാൽ.. first appeared on Keralaonlinenews.

Tags