.jpg)
ഈ കാര്യങ്ങൾ ശ്രദ്ധിച്ചാൽ മതി, പൊന്നു കൊയ്യാം...! ആർക്കും ചെയ്യാം കുരുമുളക് കൃഷി
കറുത്തപൊന്ന്, സുഗന്ധവ്യഞ്ജനങ്ങളുടെ രാജാവ് എന്നീ പേരുകളിൽ അറിയപ്പെടുന്ന സുഗന്ധവ്യഞ്ജനമാണ് കുരുമുളക്.കേരളത്തിലെ പ്രധാന നാണ്യവിളകളിലൊന്നായ കുരുമുളക് മലയാളികളുടെ ഭക്ഷണത്തിലും ഔഷധങ്ങളിലും ഒഴിച്ചുകൂടാനാകാത്ത ഒന്നാണ്. ലോകത്തിൻറെ പലഭാഗങ്ങളിലും കുരുമുളക് കൃഷി ചെയ്തുവരുന്നുണ്ടെങ്കിലും 50 ശതമാനത്തിൽ കൂടുതൽ കൃഷി ഇന്ത്യയിലാണ് ഉള്ളത്.
tRootC1469263">
വീട്ടാവശ്യത്തിനായി മരത്തിന്റെ ചുവട്ടിൽ കുരുമുളക് നട്ടുപരിപാലിക്കുന്നവരാണ് അധികവും. കൂടാതെ ചട്ടികളിലും ഇപ്പോൾ നട്ടുവളർത്തുന്നുണ്ട്. ശരിയായ രീതിയിൽ കൃഷി ചെയ്താൽ പൊന്നു കൊയ്യാവുന്ന കൃഷിയാണ് കുരുമുളക് കൃഷി. അതിനെന്തൊക്കെ കാര്യങ്ങൾ ശ്രദ്ധിക്കണമെന്ന് എന്ന് നോക്കാം...
ഫെബ്രുവരി -മാർച്ച് മാസങ്ങളിലാണ് കുരുമുളകിന്റെ നടീൽ കാലം. കുരുമുളക് കൃഷിക്ക് വായുസഞ്ചാരമുള്ള, ഭാഗികമായി മാത്രം സൂര്യപ്രകാശം ലഭിക്കുന്ന സ്ഥലങ്ങൾ തിരഞ്ഞെടുക്കണം.
ചകിരിച്ചോറും ചാണകപ്പൊടിയും ചേർന്ന മണ്ണ് നടീലിന് അനുയോജ്യമാണ്. മണ്ണ് നല്ല വായുസഞ്ചാരമുള്ളതും ഇളക്കമുള്ളതുമാകണം. കുഴിയെടുത്ത് അതിൽ തൈ നടണം. തൈയുടെ ചുവട്ടിൽ സ്യൂഡോമോണസ് വിതറുന്നത് വേരുകൾക്ക് നല്ലതാണ്.
തൈ നട്ട് ആദ്യത്തെ മൂന്നു മാസത്തിനുള്ളിൽ വളങ്ങൾ ഒന്നും നൽകേണ്ടതില്ല, കാരണം ഈ സമയത്തിനുള്ളിൽ വേരുകൾ ശക്തമായി വളരും. ഈ കാലയളവിനു ശേഷം ചാണകപ്പൊടിയും കമ്പോസ്റ്റും ഇടയ്ക്കിടെ നൽകണം. രാസവളങ്ങൾ ഉപയോഗിക്കാതിരിക്കുന്നതാണ് നല്ലത്.
മണ്ണിൽ വായുസഞ്ചാരം ഉറപ്പാക്കാനും മണ്ണ് ഇളക്കത്തോടെ നിലനിർത്താനും കരിയിലയും ചകിരിത്തൊണ്ടും വിതറുന്നത് നല്ലതാണ്. ആവശ്യാനുസരണം വെള്ളം നൽകണം, എന്നാൽ വെള്ളം കെട്ടിനിൽക്കുന്നത് ഒഴിവാക്കണം.
ഇലപ്പേനുകൾ സാധാരണ കീടങ്ങളും, ചീയൽ, പെട്ടെന്നുള്ള വാടിപ്പോകൽ തുടങ്ങിയ രോഗങ്ങളും കുരുമുളക് ചെടികളെ ബാധിക്കും. ജൈവ കീടനാശിനികളോ കുമിൾനാശിനികളോ ഉപയോഗിച്ച് കീടബാധകളെ നിയന്ത്രിക്കേണ്ടതാണ്.
കുരുമുളക് മണികൾക്ക് മഞ്ഞനിറം വന്നുതുടങ്ങുമ്പോൾ വിളവെടുക്കാം. വിളവെടുക്കുന്ന കുരുമുളക് സിമന്റ് തറയിൽ നിരത്തി ഉണക്കണം. കാലാവസ്ഥയെ ആശ്രയിച്ച് ഇത് മൂന്ന് മുതൽ അഞ്ച് ദിവസം വരെ എടുക്കാം. പാത്രങ്ങളിൽ അടച്ച് സൂക്ഷിക്കുന്നത് കുരുമുളക് ചീഞ്ഞുപോകാൻ ഇടയാക്കും.
ഉണങ്ങിയ കുരുമുളകിൽ നിന്ന് പാകമാകാത്ത മണികളും മറ്റ് വേസ്റ്റുകളും നീക്കം ചെയ്യണം. ഇത് ഗുണമേന്മയുള്ള കുരുമുളക് ലഭിക്കാനും നല്ല വില ലഭിക്കാനും സഹായിക്കും.