വീടിന് പുതിയ ലുക്ക് കൊണ്ട് വരും ഈ ചെടി

 ഉദ്യാനങ്ങളിൽ വേഗത്തിൽ പടർന്ന് വളരുന്ന അലങ്കാര സസ്യങ്ങളിൽ ശ്രദ്ധേയമായതാണ് ഫികസ് പുമില വേരിഗേറ്റഡ്, സാധാരണയായി ‘ക്ലൈമ്പിങ് ഫിഗ്’ എന്ന പേരിലും ഇത് അറിയപ്പെടുന്നു. ചെറുതും ഹൃദയാകൃതിയിലുള്ള ഇലകളിൽ ക്രീം-വെള്ള നിറങ്ങളുടെ മനോഹര സംയോജനമാണ് ഈ ചെടിയുടെ പ്രത്യേകത.

വളർച്ച വേഗം കൂടുതലായതിനാൽ മതിലുകൾ, വേലികൾ, നിലം എന്നിവ അലങ്കരിക്കാൻ ഇത് ഏറ്റവും അനുയോജ്യമാണ്. പരിപാലനം വളരെ എളുപ്പമുള്ളതിനാൽ വീടുകളിലും തോട്ടങ്ങളിലും പച്ചപ്പിനും സൗന്ദര്യത്തിനും ഒരുപോലെ ഉപയോഗിക്കാവുന്ന മികച്ച ഒരു തിരഞ്ഞെടുപ്പാണ് ഈ സസ്യം.

ഹാങ്ങിങ്​ പ്ലാൻറ്​ ആയിട്ടും വളർത്തിയെടുക്കാം. അതിക പരിചരണം ആവശ്യമില്ല. ഇളം സൂര്യപ്രകാശം, നേരിട്ടടിക്കാത്ത സൂര്യപ്രകാശം കിട്ടുന്ന സ്ഥലമാണ് നല്ലത്. കാലം കഴിയും തോറും പടരുന്ന തണ്ടുകൾ കട്ടിയുള്ളതാവും. ഈർപ്പം ഇഷ്ടപ്പെടുന്ന ചെടിയാണ്. ഇതിൻറെ കട്ടിയുള്ള തണ്ടുകൾ മുറിച്ചെടുത്താണ്​ വളർത്തുന്നത്. തണ്ടിൻറെ അറ്റം നോക്കി ആറിഞ്ച് നീളത്തിൽ മുറിച്ചെടുക്കണം. വെള്ളത്തിൽ ഇട്ടും വളർത്തിയെടുക്കാം. മണ്ണിൽ ആണേൽ നേരിട്ട് വെയിൽ അടിക്കാത്ത സ്ഥലം നോക്കി, ഈർപ്പം ഉള്ളിടം നോക്കി വെക്കാം. ഇളക്കമുള്ള മണ്ണ് നോക്കി പോട്ടിങ്​ മിക്സ്​ തയ്യാറാക്കാം. ചാണകപ്പൊടി, ചകിരിച്ചോർ, ഗാർഡൻ സോയിൽ എന്നിവ യോജിപ്പിച്ചാണ്​ ഗാർഡൻ സോയിൽ തയ്യാറാക്കേണ്ടത്​.