വീട്ടിൽ എളുപ്പത്തിൽ വ​ഴു​ത​ന കൃഷി ചെയ്യാം

 വഴുതന കൃഷി കേരളത്തിൽ എളുപ്പത്തിൽ ചെയ്യാൻ കഴിയുന്ന ഒരു പച്ചക്കറി കൃഷിയാണ്. ചൂടും ഈർപ്പവും കൂടിയ കാലാവസ്ഥയിൽ നന്നായി വളരുന്ന ഈ വിളയ്ക്ക് നല്ല വെള്ളം ഒഴുകിപ്പോകുന്ന മണ്ണാണ് ഏറ്റവും അനുയോജ്യം. വിത്ത് നഴ്‌സറിയിൽ മുളപ്പിച്ച ശേഷം തൈകൾ പറിച്ചുനട്ട് കൃഷി ചെയ്യുന്നതാണ് സാധാരണ രീതി. ചെടികൾക്ക് ആവശ്യമായ വളവും വെള്ളവും നൽകുകയും കീടരോഗങ്ങളെ നിയന്ത്രിക്കുകയും ചെയ്താൽ മികച്ച വിളവ് ലഭിക്കും. വീട്ടുതോട്ടത്തിലും വാണിജ്യാടിസ്ഥാനത്തിലും ഒരുപോലെ വിജയകരമായി കൃഷി ചെയ്യാവുന്ന വിളയായ വഴുതന കർഷകർക്ക് നല്ല വരുമാനം നൽകുന്നതുമാണ്.

വ​ഴു​ത​ന വി​ത്തു​ക​ൾ താ​വ​ര​ണ​ക​ളി​ൽ പാ​കി മു​ള​പ്പി​ച്ച് ഒ​രു മാ​സം പ്രാ​യ​മാ​യ തൈ​ക​ൾ പ​റി​ച്ചു ന​ടാം. ന​ല്ല തു​റ​സ്സാ​യ ധാ​രാ​ളം സൂ​ര്യ​പ്ര​കാ​ശം ല​ഭി​ക്കു​ന്ന സ്​​ഥ​ല​ങ്ങ​ളി​ൽ വ​ള​ക്കൂ​റു​ള്ള മേ​ൽ മ​ണ്ണും ന​ല്ല​പോ​ലെ ഉ​ണ​ങ്ങി പൊ​ടി​ഞ്ഞ ചാ​ണ​ക​വും ചേ​ർ​ത്താ​ണ് ന​ഴ്സ​റി ത​യ്യാ​റാ​ക്കേ​ണ്ട​ത്. ഉ​ണ​ക്കി​പ്പൊ​ടി​ച്ച ചാ​ണ​ക​ത്തി​നു പ​ക​രം ൈട്ര​ക്കോ​ഡ​ർ​മ ഉ​പ​യോ​ഗി​ച്ച് സ​മ്പു​ഷ്​ടീക​രി​ച്ച ചാ​ണ​കം ഉ​പ​യോ​ഗി​ക്കു​ന്ന​ത് ന​ല്ല​താ​ണ്. 

വി​ത്ത് പാ​കി​യ​തി​നു ശേ​ഷം വാ​ര​ങ്ങ​ൾ പ​ച്ചി​ല കൊ​ണ്ട് പു​ത​യി​ട്ട് ദി​വ​സേ​ന കാ​ല​ത്ത് ന​ന​യ്ക്കു​ക. വി​ത്തു മു​ള​ച്ചു തു​ട​ങ്ങി​യാ​ൽ പു​ത മാ​റ്റ​ണം. നി​ശ്ചി​ത ഇ​ട​വേ​ള​യി​ൽ ര​ണ്ട്​ ശ​ത​മാ​നം വീ​ര്യ​മു​ള്ള സ്യൂ​ഡോ​മോ​ണാ​സ്​ ഫ്ലൂ​റ​സ​ൻ​സ്​ ലാ​യ​നി ത​ളി​ക്ക​ണം. തൈ​ക​ളു​ടെ പു​ഷ്​​ടി വ​ർ​ധി​പ്പി​ക്കാ​ൻ ചാ​ണ​ക​പ്പാ​ലോ നേ​ർ​പ്പി​ച്ച ഗോ​മൂ​ത്ര​മോ (പ​ത്തി​ര​ട്ടി വെ​ള്ളം ചേ​ർ​ത്ത് നേ​ർ​പ്പി​ച്ച​ത്) ത​ളി​ക്കാം. ന​ടാ​ൻ താ​വ​ര​ണ​ക​ൾ ന​ന​ച്ച ശേ​ഷം തൈ​ക​ൾ പ​റി​ച്ചെ​ടു​ക്കു​ക. ന​ട്ട തൈ​ക​ൾ​ക്ക് താ​ൽ​ക്കാ​ലി​ക ത​ണ​ൽ ന​ൽ​ക​ണം.

ന​ടീ​ലും വ​ള​പ്ര​യോ​ഗ​വും

കൃ​ഷി​സ്​​ഥ​ലം ന​ല്ല​തു​പോ​ലെ കി​ള​ച്ച് നി​ര​പ്പാ​ക്കു​ക. തൈ​ക​ൾ പ​റി​ച്ചു ന​ടു​ന്ന​തി​ന് ര​ണ്ടാ​ഴ്ച മു​മ്പേ 2 കി​ലോ കു​മ്മാ​യം ചേ​ർ​ക്കു​ക. 100 കി​ലോ ട്രൈ​ക്കോ​ഡെ​ർ​മ​യും പി.​ജി.​പി.​ആ​ർ–1 മി​ശ്രി​ത​വു​മാ​യി ചേ​ർ​ത്ത് ഇ​ള​ക്കി അ​ടി​വ​ള​മാ​യി ന​ടു​ക. പ​റി​ച്ചു ന​ടു​ന്ന സ​മ​യ​ത്ത് തൈ​ക​ളു​ടെ വേ​രു​ക​ൾ 20 മി​നിറ്റ്​ സ്യൂ​ഡോ​മോ​ണാ​സ്​ (20 ഗ്രാം 1 ​ലി​റ്റ​ർ വെ​ള്ള​ത്തി​ൽ) ലാ​യ​നി​യി​ൽ മു​ക്കി​യ​ശേ​ഷം ന​ടു​ക. കാ​ലി​വ​ള​ത്തി​നു പ​ക​രം കോ​ഴി​വ​ള​മോ പൊ​ടി​ച്ച ആ​ട്ടി​ൻ കാ​ഷ്​​ഠ​മോ ഉ​പ​യോ​ഗി​ക്കാം. മേ​ൽ വ​ളം ന​ൽ​കാ​ൻ എ​ട്ട്, പ​ത്ത് ദി​വ​സം ഇ​ട​വി​ള​യാ​യി താ​ഴെ പ​റ​യു​ന്ന ഏ​തെ​ങ്കി​ലും ജൈ​വ വ​ളം ചേ​ർ​ക്കാം.

1. ചാ​ണ​ക​പ്പാ​ൽ അ​ല്ലെ​ങ്കി​ൽ ബ​യോ​ഗ്യാ​സ്​ സ്ല​റി 200 ഗ്രാം 4 ​ലി​റ്റ​ർ വെ​ള്ള​ത്തി​ൽ ചേ​ർ​ത്ത​ത്. 2. ഗോ​മൂ​ത്രം അ​ല്ലെ​ങ്കി​ൽ വെ​ർ​മി​വാ​ഷ് (2 ലി​റ്റ​ർ) എ​ട്ട് ഇ​ര​ട്ടി വെ​ള്ള​വു​മാ​യി ചേ​ർ​ത്ത​ത്. 3. നാ​ല്​ കി​ലോ മ​ണ്ണി​ര ക​മ്പോ​സ്​റ്റ്​, കോ​ഴി​വ​ളം അ​ല്ലെ​ങ്കി​ൽ ആ​ട്ടി​ൻ കാ​ഷ്​​ഠം. ക​ട​ല​പ്പി​ണ്ണാ​ക്ക് (200 ഗ്രാം) ​നാ​ലു ലി​റ്റ​ർ വെ​ള്ള​ത്തി​ൽ കു​തി​ർ​ത്ത​ത്.
പ​രി​പാ​ല​നം

വേ​ന​ൽ​ക്കാ​ല​ത്ത് ര​ണ്ടോ മൂ​ന്നോ ദി​വ​സ​ത്തി​ലൊ​രി​ക്ക​ൽ ന​ന​ക്കു​ക. ആ​വ​ശ്യ​മെ​ങ്കി​ൽ തൈ​ക​ൾ​ക്ക് താ​ങ്ങു​കൊ​ടു​ക്കു​ക. പ​റി​ച്ചു​ന​ട്ട് ഒ​രു മാ​സം ക​ഴി​യു​മ്പോ​ൾ ക​ള​യെ​ടു​ക്ക​ൽ, ജൈ​വ​വ​ളം ന​ൽ​ക​ൽ, മ​ണ്ണ് കൂ​ട്ടി​ക്കൊ​ടു​ക്ക​ൽ തു​ട​ങ്ങി​യ​വ ന​ട​ത്താം.

പ​ച്ചി​ല​ക​ൾ, വി​ള​യ​വ​ശി​ഷ്​​ട​ങ്ങ​ൾ, അ​ഴു​കി​പ്പൊ​ടി​ഞ്ഞ ച​കി​രി​ച്ചോ​ർ, തൊ​ണ്ട്, വയ്​​ക്കോ​ൽ തു​ട​ങ്ങി​യ​വ ഉ​പ​യോ​ഗി​ച്ച് പു​ത​യി​ട്ടാ​ൽ മ​ണ്ണി​ലെ ഈ​ർ​പ്പം നി​ല​നി​ർ​ത്താ​നും ക​ള​ക​ൾ നി​യ​ന്ത്രി​ക്കാ​നും ക​ഴി​യും.