വീടിന്റെ ഭംഗി കൂട്ടാം ; ഇൻഡോർ പ്ലാന്റുകൾ അലങ്കാരത്തിനൊപ്പം പരിചരണവും ശ്രദ്ധിക്കണം

  വീടിന്റെ അലങ്കാരത്തിൽ ഇൻഡോർ പ്ലാന്റുകൾക്ക് പ്രാധാന്യം വർധിച്ചുവരികയാണ്. പച്ച നിറത്തിലുള്ള ഇലച്ചെടികൾ വീടിന്റെ വിവിധ ഭാഗങ്ങളിൽ ക്രമീകരിക്കുന്നത് ഇന്റീരിയറിന് സ്വാഭാവികമായൊരു ഭംഗി നൽകും.

ലിവിങ് റൂമിൽ വലിയ ചെടികളും മേശകളിലും ഷെൽഫുകളിലും ചെറിയ ചെടികളും ഉപയോഗിക്കാം. വീടിന്റെ അലങ്കാരശൈലിക്ക് അനുയോജ്യമായ ചട്ടികൾ തിരഞ്ഞെടുക്കുന്നതും ഗ്രീൻ കോർണറിന്റെ ഭംഗി വർധിപ്പിക്കും.

ചെടികളുടെ ഇലകളിൽ അടിഞ്ഞുകൂടുന്ന പൊടി ഇടയ്ക്കിടെ തുടച്ചുനീക്കണം. ഉണങ്ങിയ ഇലകളും കേടായ ഭാഗങ്ങളും നീക്കം ചെയ്യുകയും കീടബാധയുണ്ടോ എന്ന് പരിശോധിക്കുകയും വേണം. ഭംഗിക്കായി മാത്രം ചെടികൾ തിരഞ്ഞെടുക്കാതെ, വീടിനുള്ളിലെ വെളിച്ചവും വായുസഞ്ചാരവും പരിഗണിച്ചുള്ള തിരഞ്ഞെടുപ്പാണ് മികച്ച ഇൻഡോർ ഗാർഡനിങ്ങിന് അടിസ്ഥാനം.