.jpg)
അടുക്കല തോട്ടത്തിൽ എളുപ്പം നട്ടുവളർത്താം പയർ
മലയാലികളുടെ അടുക്കളയിൽ പലപ്പോഴും ഉണ്ടാകുന്നൊരു പച്ചക്കറിയാണ് പയർ. വിറ്റാമിന്റെ കലവറയായ വൻപയർ ധാന്യരൂപത്തിലും അതിന്റെ തോല് കളയാതെ പച്ചക്കറിരൂപത്തിലും നാം ഉപയേഗിക്കുന്നു. കേരളത്തിൽ എല്ലാ കാലാവസ്ഥയിലും കൃഷി ചെയ്യാൻ പറ്റുന്ന പച്ചക്കറിയാണ് പയർ. പോഷകസമൃദ്ധമായ പയർ വർഗ്ഗങ്ങൾ വീട്ടിൽ തന്നെ ഉൽപ്പാദിപ്പിക്കുന്നത് ആരോഗ്യത്തിനും സാമ്പത്തിക ലാഭത്തിനും ഉത്തമമാണ്. ചില കാര്യങ്ങൾ ശ്രദ്ധിച്ചാൽ അടുക്കളത്തോട്ടത്തിൽ നൂറുമേനി വിളയിക്കാം പയർ.
tRootC1469263">നല്ലയിനം വിത്തുകൾ തിരഞ്ഞെടുക്കുക
കേരള കാർഷിക സർവ്വകലാശാല പുറത്തിറക്കിയ മികച്ച ഇനങ്ങൾ തിരഞ്ഞെടുക്കുന്നതാണ് ഉചിതം. വള്ളിച്ചെടി ഇനങ്ങളായ വൈജയന്തി, ശാരിക, അനുഗ്രഹ, നീലിമ എന്നിവ വർഷം മുഴുവൻ വിളവ് തരുന്നവയാണ്. പന്തൽ സൗകര്യം കുറവാണെങ്കിൽ ഭാഗ്യലക്ഷ്മി, എൽ.എൽ.-1 തുടങ്ങിയ കുറ്റിപ്പയർ ഇനങ്ങളും തിരഞ്ഞെടുക്കാം.
കൃഷിസ്ഥലം
കൃഷിസ്ഥലം തയ്യാറാക്കുമ്പോൾ വെള്ളം കെട്ടിക്കിടക്കാത്ത, നല്ല നീർവാർച്ചയുള്ള മണ്ണാണെന്ന് ഉറപ്പാക്കുക. മണ്ണിലെ അമ്ലഗുണം മാറ്റാൻ അല്പം കുമ്മായം ചേർക്കുന്നത് നല്ലതാണ്. ഗ്രോബാഗിലാണെങ്കിൽ ചകിരിച്ചോറ്, മണ്ണ്, ജൈവവളം എന്നിവ 1:1:1 അനുപാതത്തിൽ ചേർത്ത് മിശ്രിതം തയ്യാറാക്കാം. നടീൽ സമയത്ത് മണ്ണിൽ 2 സെന്റീമീറ്റർ ആഴത്തിൽ വിത്തുകൾ പാകാം. വള്ളിച്ചെടി ഇനങ്ങൾക്ക് നിർബന്ധമായും പന്തൽ ഒരുക്കണം. മുളയോ കമ്പോ ഉപയോഗിച്ച് ചെടിക്ക് വള്ളി വീശാൻ സൗകര്യം ഉണ്ടാക്കുക. ചെടിക്ക് 15-20 സെന്റീമീറ്റർ ഉയരമാകുമ്പോൾ വള്ളികൾ പന്തലിലേക്ക് പടർത്തുക.
വളപ്രയോഗം
വളപ്രയോഗം പൂർണ്ണമായും ജൈവരീതിയിൽ ചെയ്യുന്നതാണ് ഉചിതം. മണ്ണ് ഒരുക്കുമ്പോൾ തന്നെ ചാണകപ്പൊടിയോ കമ്പോസ്റ്റോ അടിവളമായി ചേർക്കുക. ചെടി വളരുന്ന ഘട്ടത്തിൽ രണ്ടാഴ്ചയിലൊരിക്കൽ കടലപ്പിണ്ണാക്ക് ലായനി നേർപ്പിച്ച് ഒഴിച്ചുകൊടുക്കുന്നത് മികച്ച വിളവ് നൽകും.
അടുക്കളത്തോട്ടത്തിൽ രാസ കീടനാശിനികൾ ഒഴിവാക്കണം. ഇലപ്പേൻ, അഫിഡ്സ് തുടങ്ങിയ കീടങ്ങളെ നശിപ്പിക്കാൻ വേപ്പെണ്ണ-വെളുത്തുള്ളി മിശ്രിതം അല്ലെങ്കിൽ വെളിച്ചെണ്ണ-സോപ്പ് മിശ്രിതം നേർപ്പിച്ച് തളിക്കുക. ഇലപ്പുള്ളി രോഗം തടയാൻ സ്യൂഡോമോണാസ് ലായനി ഇലകളിൽ തളിക്കുന്നത് സഹായിക്കും. വിത്ത് പാകി 45-50 ദിവസത്തിനുള്ളിൽ വിളവെടുപ്പ് തുടങ്ങാം. ദിവസവും വിളവെടുക്കുന്നത് കൂടുതൽ പൂക്കൾ ഉണ്ടാകാനും കായ പിടിക്കാനും ചെടിയെ സഹായിക്കും.