.jpg)
‘മോന്‍സണ്‍ അയല്‍വാസി’, മറ്റ് ബന്ധങ്ങളില്ല ; വിവാഹത്തിന് ശേഷം താന്‍ വേട്ടയാടപ്പെടുകയാണെന്ന് നടന്‍ ബാല
സാമ്പത്തികത്തട്ടിപ്പ് കേസിൽ അറസ്റ്റിലായ മോന്‍സണ്‍ മാവുങ്കലുമായി ബന്ധപ്പെട്ട ആരോപണങ്ങളില്‍ വിശദീകരണവുമായി നടന്‍ ബാല. മോന്‍സണ്‍ അയല്‍വാസിയാണെന്നും മറ്റ് ബന്ധങ്ങളില്ലെന്നും ബാല പറഞ്ഞു.’താന്‍ വേട്ടയാടപ്പെടുകയാണ്.വിവാഹത്തിന് ശേഷം നിരവധി ആരോപണങ്ങള്‍ നേരിട്ടു.ധാരാളം ഫോണ്‍ കോളുകള്‍ വന്നു’. ഒരു രീതിയിലും ജീവിക്കാന്‍ സാധിക്കാത്ത അവസ്ഥയാണുള്ളതെന്നും ബാല പറയുന്നു.
അതേസമയം മോന്‍സണ്‍ മാവുങ്കലിനെതിരായ പരാതി പിന്‍വലിപ്പിക്കാന്‍ നടന്‍ ബാല ഇടപെട്ടുവെന്ന വിവരം പുറത്തുവന്നിരുന്നു. മോന്‍സണിന്റെ മുന്‍ ഡ്രൈവര്‍ അജി നെട്ടൂര്‍ നല്‍കിയ പരാതി പിന്‍വലിപ്പിക്കാന്‍ ബാല ഇടപെട്ടെന്നായിരുന്നു വിവരം.തുടരെ അജിയും ബാലയും തമ്മിലുള്ള ഫോണ്‍ സംഭാഷണം പുറത്തുവന്നിരുന്നു.
തന്നെ ഒരു സഹോദരനായിട്ടാണ് കാണുന്നതെങ്കില്‍ മോന്‍സണിനെതിരായ പരാതി പിന്‍വലിക്കണമെന്ന് ബാല ഓഡിയോയിൽ പറയുന്നുണ്ട്. അജിക്കെതിരായ കേസുകള്‍ ഒഴിവാക്കാന്‍ താന്‍ പറഞ്ഞിട്ടുണ്ടെന്നും സ്‌നേഹത്തോടെ മുന്നോട്ടു പോകണമെന്നും ബാല ഓഡിയോയിൽ പറയുന്ന ത് കേള്‍ക്കാം.
The post ‘മോന്‍സണ്‍ അയല്‍വാസി’, മറ്റ് ബന്ധങ്ങളില്ല ; വിവാഹത്തിന് ശേഷം താന്‍ വേട്ടയാടപ്പെടുകയാണെന്ന് നടന്‍ ബാല first appeared on Keralaonlinenews.
