പെരളശേരി ഗ്രാമപഞ്ചായത്തിൽ ട്രിപ്പിൾ ലോക് ഡൗൺ

പെരളശേരി : ടി.പി.ആർ നിരക്ക് 18.6 ശതമാനമായതിനാൽ പെരളശേരി ഗ്രാമപഞ്ചായത്തിൽ ട്രിപ്പിൾ ലോക് ഡൗൺപ്രഖ്യാപിച്ചു. ഈ മാസം 28 വരെയാണ് അടച്ചുപൂട്ടൽ. പെരളശേരി പഞ്ചായത്തിൽ അവശ്യ സർവീസുകൾ മാത്രമേ അനുവദിക്കുകയുള്ളുവെന്ന് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ കലക്ടർ അറിയിച്ചു.

ഓട്ടോ-ടാക്സി / പൊതുസർവീസുകൾ എന്നിവ നിരോധിച്ചിട്ടുണ്ട്. അവശ്യവസ്തുക്കൾ വിൽക്കുന്ന കടകൾ രാത്രി ഏഴു മണി വരെ അടച്ചിടണം. ബാങ്കുകൾ ഉൾപ്പെടെയുള്ള പൊതുമേഖലാ സ്ഥാപനങ്ങൾ പ്രവർത്തിക്കരുതെന്നും ഹോട്ടലുകളിൽ നിന്നും പാർസൽ സർവീസ് മാത്രമേ പാടുള്ളുവെന്നും കലക്ടർ പറഞ്ഞു.