ശ്രീലങ്കയില് ഡെപ്യൂട്ടി സ്പീക്കറായി വീണ്ടും രഞ്ജിത് സിലംപാലപിത്യ
കൊളംബോ : ശ്രീലങ്കയില് ഡെപ്യൂട്ടി സ്പീക്കര് തെരഞ്ഞെടുപ്പില് സര്ക്കാര് പിന്തുണച്ച സ്ഥാനാര്ഥിക്ക് ജയം.ഡെപ്യൂട്ടി സ്പീക്കര് സ്ഥാനത്തേക്ക് പാര്ലമെന്റില് രഹസ്യവോട്ടെടുപ്പാണ് നടന്നത്. എം.പിയായ രഞ്ജിത് സിലംപാലപിത്യ ആണ് വീണ്ടും തെരഞ്ഞെടുക്കപ്പെട്ടത്.
രാജിഭീഷണി നേരിടുന്ന രാജപക്സ സഹോദരങ്ങള്ക്ക് ഇത് വലിയ തുറുപ്പുശീട്ടായി. ശ്രീലങ്ക ഫ്രീഡം പാര്ട്ടിയിലെ നിമല് സിരിപാലയാണ് രഞ്ജിത്തിന്റെ പേര് ഡെപ്യൂട്ടി സ്പീക്കര് സ്ഥാനത്തേക്ക് നിര്ദേശിച്ചത്.65നെതിരെ 148 വോട്ടുകള്ക്കാണ് ഇദ്ദേഹം തെരഞ്ഞെടുക്കപ്പെട്ടത്. മുഖ്യ പ്രതിപക്ഷമായ സമാഗി ജന ബാലവേഗായ എം.പിയായ ഇംതിയാസ് ബകീര് മര്കാറിനെയും സ്ഥാനാര്ഥിയായി നിര്ദേശിച്ചു.