.jpg)
ഇറാഖിലെ സംയുക്ത സൈനിക റെയ്ഡില് 15 ഐ.എസ്.ഐ.എല് പ്രവര്ത്തകര് കൊല്ലപ്പെട്ടതായി യു.എസ്
Sep 1, 2024, 17:50 IST
ന്യൂയോര്ക്ക്: ഇറാഖിലെ സംയുക്ത സൈനിക റെയ്ഡില് 15 ഐ.എസ്.ഐ.എല് പ്രവര്ത്തകര് കൊല്ലപ്പെട്ടതായി അമേരിക്ക. ഇറാഖി സുരക്ഷാ സേനയുമായി ചേര്ന്ന് നടത്തിയ റെയ്ഡില് ഐ.എസ്.ഐ.എല് പ്രവര്ത്തകര് കൊല്ലപ്പെട്ടുവെന്ന് യു.എസ് മിലിട്ടറി അറിയിച്ചു. വ്യാഴാഴ്ച നടന്ന റെയ്ഡില് ഏഴ് യു.എസ് സൈനികര്ക്ക് പരിക്കേറ്റതായും അമേരിക്കന് സേന അറിയിച്ചു.
അഞ്ച് യു.എസ് സൈനികര്ക്ക് റെയ്ഡിനിടെയും രണ്ട് പേര്ക്ക് അതിനുശേഷമുണ്ടായ ഒരു വീഴ്ചയിലുമാണ് പരിക്ക് പറ്റിയതെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു. ഇറാഖ് പൗരന്മാരെ റെയ്ഡ് ഒരു രീതിയിലും ബാധിച്ചിട്ടില്ലെന്നും റെയ്ഡില് നാശനഷ്ടങ്ങള് ഒന്നും തന്നെ ഉണ്ടായിട്ടില്ലെന്നും സെന്റ്കോം പറഞ്ഞു. അമേരിക്കയും ഇറാഖും ചേര്ന്ന് രാജ്യത്തെ സംയുക്ത സുരക്ഷാ ദൗത്യത്തെ സംബന്ധിച്ച് ചര്ച്ചകള് നടത്തുന്നതിനിടെയാണ് റെയ്ഡ് നടന്നത്.
