ടെലിവിഷൻ പ്രസംഗം റെക്കോഡ്​ ചെയ്യുന്നതിനിടെ വ്ലാദിമിർ പുടിന്​ ചുമയും നെഞ്ചുവേദനയും : പ്രസംഗം വൈകിയത്​ 13മണിക്കൂർ

google news
putin

മോസ്​കോ: ഭാഗികമായ മുന്നേറ്റത്തിലൂടെ യുക്രെയ്‌നിലെ റഷ്യയുടെ ആക്രമണം കൂടുതൽ ശക്​തമാക്കുമെന്ന്​ പ്രസിഡൻറ്​ വ്ലാദിമിർ പുടിൻ പ്രഖ്യാപിക്കുകയുണ്ടായി. ഈ ടെലിവിഷൻ പ്രസംഗം റെക്കോഡ്​ ചെയ്യുന്നതിനിടെ പുടിൻ ശക്​തമായ ചുമയും നെഞ്ചുവേദനയും അനുഭവപ്പെട്ടുവെന്നും അതിനാൽ പ്രസംഗം 13 മണിക്കൂർ വൈകിയെന്നും റിപ്പോർട്ട്​. പുടിൻ റെക്കോർഡിങ്​ തുടങ്ങിയപ്പോൾ മുതൽ ചുമ വില്ലനായി. ദ മിറർ ആണ്​ റിപ്പോർട്ട്​ പുറത്തുവിട്ടത്​.

ഓരോ തവണയും പ്രസംഗം തുടങ്ങാൻ തയാറെടുക്കു​​േമ്പാൾ ചുമ പ്രശ്​നമായി. ചെറിയ നെഞ്ചുവേദനയുണ്ടെന്നും പറഞ്ഞു. തുടർന്ന്​ ഡോക്​ടർമാരെ വിളിക്കുകയായിരുന്നു.

നമ്മുടെ രാജ്യത്തി​െൻറ പ്രാദേശിക അഖണ്ഡതക്ക്​ ഭീഷണിയുണ്ടെങ്കിൽ റഷ്യയെയും നമ്മുടെ ജനങ്ങളെയും സംരക്ഷിക്കാൻ സാധ്യമായ എല്ലാ മാർഗങ്ങളും ഉപയോഗിക്കുമെന്നാണ്​ പുടിൻ പ്രസംഗത്തിൽ വ്യക്തമാക്കിയത്​. അടുത്ത മാസം 70 വയസ്​ തികയുന്ന പുടിൻ ചൊവ്വാഴ്ച രാത്രി റഷ്യൻ രാഷ്ട്രത്തോടുള്ള തന്റെ പ്രസംഗത്തിനുള്ള തയ്യാറെടുപ്പുകൾ ആരംഭിച്ചെങ്കിലും വൈകാനുള്ള കാരണത്തെ കുറിച്ച്​ വിശദീകരണമൊന്നും ലഭിച്ചില്ല. പിന്നീടാണ്​ ചുമയാണ്​ കാരണമെന്ന്​ മനസിലായത്​.

യുക്രെയ്​നിൽ ആക്രമണം വ്യാപിപ്പിക്കാനുള്ള യുദ്ധക്കൊതിയനായ പ്രസിഡൻറി​െൻറ തീരുമാനത്തിൽ റഷ്യൻ പാർലമെൻറിലെ ഉദ്യോഗസ്​ഥർക്ക്​ എതിരഭിപ്രായമുണ്ടെന്നും റിപ്പോർട്ടുണ്ട്​.
 

Tags