ദ​ക്ഷി​ണ കൊ​റി​യ​ൻ പ്ര​സി​ഡ​ന്റു​മാ​യി ച​ർ​ച്ച​ന​ട​ത്തി സൗ​ദി കി​രീ​ടാ​വ​കാ​ശി

kos

റി​യാ​ദ്: നി​ല​വി​ലെ ഏ​ഷ്യ​ൻ പ​ര്യ​ട​ന​ത്തി​ന്റെ ഭാ​ഗ​മാ​യി ദ​ക്ഷി​ണ കൊ​റി​യ​യി​ലെ​ത്തി​യ സൗ​ദി കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ് ബി​ൻ സ​ൽ​മാ​നും ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് യൂ​ൻ സൂ​ക് യോ​ളു​മാ​യി ച​ർ​ച്ച ന​ട​ത്തി. സോ​ളി​ലെ പ്ര​സി​ഡ​ന്റി​ന്റെ വ​സ​തി​യി​ലാ​ണ് ച​ർ​ച്ച​ക​ൾ ന​ട​ന്ന​ത്. അ​ന്താ​രാ​ഷ്ട്ര സ​മാ​ധാ​ന​ത്തി​നും ഊ​ർ​ജ സം​രം​ഭ​ങ്ങ​ൾ​ക്കും വി​ത​ര​ണ​ശൃം​ഖ​ല​ക​ളു​ടെ സു​ര​ക്ഷ​ക്കും ഭീ​ഷ​ണി​യാ​യ സാ​ഹ​ച​ര്യ​ത്തെ നേ​രി​ടാ​ൻ സം​യു​ക്ത​പ്ര​വ​ർ​ത്ത​നം ശ​ക്ത​മാ​ക്കാ​ൻ ആ​ഗ്ര​ഹി​ക്കു​ന്ന​താ​യി കി​രീ​ടാ​വ​കാ​ശി പ​റ​ഞ്ഞു.

'വി​ഷ​ൻ 2030'ന്റെ ​ച​ട്ട​ക്കൂ​ടി​നു​ള്ളി​ൽ​നി​ന്നു​കൊ​ണ്ടു​ള്ള സൗ​ദി - ദ​ക്ഷി​ണ കൊ​റി​യ സ​ഹ​ക​ര​ണം കി​രീ​ടാ​വ​കാ​ശി ചൂ​ണ്ടി​ക്കാ​ണി​ക്കു​ക​യും അ​തു​വ​ഴി കൈ​വ​രി​ച്ച നേ​ട്ട​ങ്ങ​ളി​ൽ സ​ന്തോ​ഷം പ്ര​ക​ടി​പ്പി​ക്കു​ക​യും ചെ​യ്ത​താ​യി ഔ​ദ്യോ​ഗി​ക മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. സം​യു​ക്ത സ​മി​തി​ക​ളു​ടെ മേ​ൽ​നോ​ട്ട​ത്തി​ലു​ള്ള നി​ക്ഷേ​പ ഏ​കോ​പ​ന​ത്തി​ന്റെ വേ​ഗ​ത വ​ർ​ധി​പ്പി​ക്കേ​ണ്ട​തി​ന്റെ ആ​വ​ശ്യ​ക​ത​യും പൊ​തു​കാ​ര്യ മേ​ഖ​ല​ക​ൾ ത​മ്മി​ലു​ള്ള പ​ങ്കാ​ളി​ത്തം ശ​ക്തി​പ്പെ​ടു​ത്തു​ന്ന വി​ഷ​യ​വും ച​ർ​ച്ച​യാ​യി. ഇ​രു രാ​ജ്യ​ങ്ങ​ളി​ലും ല​ഭ്യ​മാ​യ വാ​ണി​ജ്യ, നി​ക്ഷേ​പ അ​വ​സ​ര​ങ്ങ​ൾ ഉ​പ​യോ​ഗ​പ്പെ​ടു​ത്തേ​ണ്ട​തി​ന്റെ പ്രാ​ധാ​ന്യം കി​രീ​ടാ​വ​കാ​ശി ഊ​ന്നി​പ്പ​റ​ഞ്ഞു.

സൗ​ദി അ​റേ​ബ്യ​യും ദ​ക്ഷി​ണ കൊ​റി​യ​യും ത​മ്മി​ലു​ള്ള 60 വ​ർ​ഷ​ത്തെ ബ​ന്ധം ശ​ക്ത​മാ​ണെ​ന്നും ക​ഴി​ഞ്ഞ​വ​ർ​ഷ​ങ്ങ​ളി​ലെ ന​ല്ല വ്യാ​പാ​ര വ​ള​ർ​ച്ച ഇ​ത് തെ​ളി​യി​ക്കു​ന്നു​വെ​ന്നും കി​രീ​ടാ​വ​കാ​ശി ചൂ​ണ്ടി​ക്കാ​ട്ടി.

ജി20 ​അം​ഗ​രാ​ജ്യ​ങ്ങ​ളെ​ന്ന നി​ല​ക്ക് ഇ​രു രാ​ഷ്ട്ര​ങ്ങ​ൾ​ക്കും രാ​ഷ്ട്രീ​യ​വും സാ​മ്പ​ത്തി​ക​വും അ​ന്ത​ർ​ദേ​ശീ​യ​വു​മാ​യ ഉ​ത്ത​ര​വാ​ദി​ത്ത​ങ്ങ​ളു​ണ്ടെ​ന്ന കാ​ര്യ​വും അ​ദ്ദേ​ഹം അ​നു​സ്മ​രി​ച്ചു.

ഉ​ഭ​യ​ക​ക്ഷി ബ​ന്ധം പു​തി​യ ത​ല​ത്തി​ലേ​ക്ക് ഉ​യ​ർ​ത്താ​നു​ള്ള ത​ന്റെ താ​ൽ​പ​ര്യം ദ​ക്ഷി​ണ കൊ​റി​യ​ൻ പ്ര​സി​ഡ​ന്റ് സ്ഥി​രീ​ക​രി​ച്ചു.

കി​രീ​ടാ​വ​കാ​ശി​യു​ടെ നേ​തൃ​ത്വ​ത്തി​ൽ 'വി​ഷ​ൻ 2030' ന​ട​പ്പാ​ക്കു​ന്ന​തി​ലൂ​ടെ സൗ​ദി അ​റേ​ബ്യ ഒ​രു നൂ​ത​ന ഭാ​വി​ക്ക് സാ​ക്ഷ്യം വ​ഹി​ക്കു​മെ​ന്നും അ​ദ്ദേ​ഹം പ്ര​ത്യാ​ശ പ്ര​ക​ടി​പ്പി​ച്ച​താ​യി സൗ​ദി പ്ര​സ് ഏ​ജ​ൻ​സി റി​പ്പോ​ർ​ട്ട് ചെ​യ്തു. സ​ന്ദ​ർ​ശ​ന​ത്തി​നി​ടെ കി​രീ​ടാ​വ​കാ​ശി ദ​ക്ഷി​ണ കൊ​റി​യ​ൻ വ്യ​വ​സാ​യ പ്ര​മു​ഖ​രു​മാ​യി ബി​സി​ന​സ് സ​ഹ​ക​ര​ണ വി​ഷ​യ​ത്തി​ലും ച​ർ​ച്ച​ക​ൾ ന​ട​ത്തി. സാ​ങ്കേ​തി​ക​വി​ദ്യ, ഊ​ർ​ജം, വ്യ​വ​സാ​യം, നി​ർ​മാ​ണം, സ്മാ​ർ​ട്ട് സി​റ്റി​ക​ൾ തു​ട​ങ്ങി സൗ​ദി അ​റേ​ബ്യ​യി​ലെ വി​വി​ധ മേ​ഖ​ല​ക​ളി​ലെ നി​ക്ഷേ​പ സാ​ധ്യ​ത​ക​ൾ കൂ​ടി​ക്കാ​ഴ്ച​യി​ൽ അ​വ​ലോ​ക​നം ചെ​യ്തു. സാം​സ​ങ് ഇ​ല​ക്‌​ട്രോ​ണി​ക്‌​സ് എ​ക്‌​സി​ക്യൂ​ട്ടി​വ് ചെ​യ​ർ​മാ​ൻ ലീ ​ജെ​യ് യോ​ങ്, എ​സ്‌.​കെ ഗ്രൂ​പ് ചെ​യ​ർ​മാ​ൻ ചെ​യ് ടെ ​വോ​ൺ, ഹ്യൂ​ണ്ടാ​യ് മോ​ട്ടോ​ർ ഗ്രൂ​പ് ചെ​യ​ർ​മാ​ൻ യൂ​യ്‌​സു​ൻ ചു​ങ് എ​ന്നി​വ​രു​ൾ​പ്പെ​ടെ എ​ട്ട് ദ​ക്ഷി​ണ കൊ​റി​യ​ൻ വ്യ​വ​സാ​യ പ്ര​മു​ഖ​ർ കി​രീ​ടാ​വ​കാ​ശി​യു​മാ​യു​ള്ള കൂ​ടി​ക്കാ​ഴ്ച​യി​ൽ പ​ങ്കെ​ടു​ത്തു.

ഊ​ർ​ജ​മ​ന്ത്രി അ​മീ​ർ അ​ബ്ദു​ൽ അ​സീ​സ് ബി​ൻ സ​ൽ​മാ​ൻ, വാ​ണി​ജ്യ മ​ന്ത്രി​യും ആ​ക്ടി​ങ് മീ​ഡി​യ മ​ന്ത്രി​യു​മാ​യ ഡോ. ​മാ​ജി​ദ് അ​ൽ​ഖ​സ​ബി, നി​ക്ഷേ​പ മ​ന്ത്രി എ​ൻ​ജി. ഖാ​ലി​ദ് അ​ൽ​ഫാ​ലി​ഹ്, സാ​മ്പ​ത്തി​ക ആ​സൂ​ത്ര​ണ മ​ന്ത്രി ഫൈ​സ​ൽ അ​ൽ​ഇ​ബ്രാ​ഹിം, പ​ബ്ലി​ക് ഇ​ൻ​വെ​സ്റ്റ്‌​മെ​ന്റ് ഫ​ണ്ട് ഗ​വ​ർ​ണ​ർ യാ​സി​ർ അ​ൽ​റു​മ​യ്യാ​ൻ എ​ന്നി​വ​ർ കി​രീ​ടാ​വ​കാ​ശി​യോ​ടൊ​പ്പം ച​ർ​ച്ച​യി​ൽ പ​ങ്കെ​ടു​ത്തു.

ഇ​ന്തോ​നേ​ഷ്യ​യി​ലെ ബാ​ലി​യി​ൽ ന​ട​ന്ന ജി20 ​ഉ​ച്ച​കോ​ടി​യി​ൽ പ​ങ്കെ​ടു​ത്ത​ശേ​ഷം ഔ​ദ്യോ​ഗി​ക സ​ന്ദ​ർ​ശ​ന​ത്തി​നാ​യി ബു​ധ​നാ​ഴ്ച​യാ​ണ് കി​രീ​ടാ​വ​കാ​ശി സോ​ളി​ൽ എ​ത്തി​യ​ത്.

Share this story