അണ്ടർ 19 ലോകകപ്പ് ക്വാർട്ടർ ഫൈനൽ ലൈനപ്പായി ; ഇന്ത്യ ബംഗ്ലാദേശിനെ നേരിടും
അണ്ടർ 19 ലോകകപ്പ് ക്വാർട്ടർ ഫൈനൽ ലൈനപ്പായി ; ഇന്ത്യ ബംഗ്ലാദേശിനെ നേരിടും

അണ്ടർ 19 ലോകകപ്പ് ക്വാർട്ടർ ഫൈനൽ ലൈനപ്പായി. ബംഗ്ലാദേശ് ആണ് ഇന്ത്യയുടെ എതിരാളികൾ. കഴിഞ്ഞ തവണ ഇന്ത്യയും ബംഗ്ലാദേശുമാണ് ഫൈനലിൽ ഏറ്റുമുട്ടിയത്. ഫൈനലിൽ ഇന്ത്യയെ തോൽപിച്ച് ബംഗ്ലാദേശ് ആണ് ജേതാക്കളായത്.

ജനുവരി 26 നാണ് ക്വാർട്ടർ ഫൈനൽ പോരാട്ടങ്ങൾ ആരംഭിക്കുന്നത്. ഇംഗ്ലണ്ട്-ദക്ഷിണാഫ്രിക്ക മത്സരമാണ് ആദ്യം നടക്കുക. 27ന് ശ്രീലങ്ക അഫ്ഗാനിസ്ഥാനെ നേരിടും. 28ന് പാകിസ്താൻ ഓസ്ട്രേലിയയെയും 29ന് ഇന്ത്യ ബംഗ്ലാദേശിനെയും നേരിടും. പ്ലേറ്റ് ക്വാർട്ടർ ഫൈനലുകൾ 25ന് ആരംഭിക്കും. യുഎഇ-ഉഗാണ്ട, അയർലൻഡ്-കാനഡ മത്സരങ്ങളാണ് 25നു നടക്കുക. 26ന് സിംബാബ്‌വെ-സ്കോട്ട്‌ലൻഡ്, വെസ്റ്റ് ഇൻഡീസ്-പാപ്പുവ ന്യൂഗിനിയ മത്സരം.

അവസാന ഗ്രൂപ്പ് മത്സരത്തിൽ ഇന്ത്യ ഉഗാണ്ടയെ 326 റൺസെന്ന കൂറ്റൻ സ്കോറിനാണ് കീഴടക്കിയത്. ആദ്യം ബാറ്റ് ചെയ്ത ഇന്ത്യ നിശ്ചിത 50 ഓവറിൽ 5 വിക്കറ്റ് നഷ്ടത്തിൽ 405 റൺസെടുത്തു. മറുപടി ബാറ്റിംഗിൽ വെറും 79 റൺസിന് ഉഗാണ്ട കീഴടങ്ങി. ഇന്ത്യക്കായി രാജ് ബവയും അങ്ക്‌ക്രിഷ് രഘുവൻശിയും സെഞ്ചുറി നേടി. ബവ 108 പന്തിൽ 14 ബൗണ്ടറിയും 8 സിക്സറും അടക്കം 162 റൺസ് നേടിയപ്പോൾ രഘുവൻശി 120 പന്തിൽ 22 ബൗണ്ടറിയും 4 സിക്സറും സഹിതം 144 റൺസ് നേടി. ബൗളിംഗിൽ ക്യാപ്റ്റൻ നിഷാന്ത് സിന്ധു 4 വിക്കറ്റ് വീഴ്ത്തി.

The post അണ്ടർ 19 ലോകകപ്പ് ക്വാർട്ടർ ഫൈനൽ ലൈനപ്പായി ; ഇന്ത്യ ബംഗ്ലാദേശിനെ നേരിടും first appeared on Keralaonlinenews.

Share this story