റൊണോള്ഡോയും മെസിയും ഇന്ന് നേര്ക്കുനേര്
ക്രിസ്റ്റ്യാനോ റൊണോള്ഡോയും ലയണല് മെസിയും ഇന്ന് നേര്ക്കുനേര്. രാത്രി 10.30 ന് സൗദി അറേബ്യയിലെ റിയാദിലുള്ള കിംഗ് ഫഹദ് ഇന്റര്നാഷണല് സ്റ്റേഡിയത്തില് നടക്കുന്ന സൗഹൃദ മത്സരത്തില് സൗദി ഓള് സ്റ്റാര് 11നെ പാരീസ് സെന്റ് ജെര്മെയ്ന് നേരിടും. രണ്ട് വര്ഷത്തെ ഇടവേളക്ക് ശേഷമാണ് സൂപ്പര് താരങ്ങള് കളിക്കളത്തില് കൊമ്പുകോര്ക്കാന് ഒരുങ്ങുന്നത്.
യൂറോപ്പ് വിട്ട് ഏഷ്യയിലേക്ക് എത്തിയ ക്രിസ്റ്റ്യാനോ റൊണാള്ഡോയ്ക്ക് ഇന്ന് അരങ്ങേറ്റം. എതിരാളികള് ലോക കിരീടം നേടിയ മെസിയുടെ പിഎസ്ജി. ജനുവരി ആദ്യത്തില് അല് നസറില് ക്രിസ്റ്റ്യാനോയെ അവതരിപ്പിച്ചുവെങ്കിലും മത്സരത്തിനായി ഇതുവരെ കളത്തിലിറങ്ങിയിരുന്നില്ല
ചരിത്രത്തില് ക്രിസ്റ്റ്യാനോ റൊണാള്ഡോയും ലയണല് മെസിയും തമ്മില് ക്ലബ്, രാജ്യാന്തര വേദികളില് ആയി ഇതുവരെ 36 മത്സരങ്ങള് അരങ്ങേറി. അതില് 16 തവണ മെസി ജയിച്ചു, 11 മത്സരങ്ങളില് ക്രിസ്റ്റ്യാനോ റൊണാള്ഡോയും.