ഹൈമയില് വാഹനാപകടത്തിൽ രണ്ടു മരണം
മസ്കത്ത്: അല് വുസ്ത ഗവര്ണറേറ്റിലെ ഹൈമയിലുണ്ടായ വാഹനാപകടത്തിൽ രണ്ടു മരണം. അപകടത്തിൽ ആറുപേര്ക്ക് പരിക്കേറ്റു.പരിക്കേറ്റവരെ ഹൈമ ആശുപത്രിയില് പ്രവേശിപ്പിച്ചു. ഇതില് ഒരാളുടെ നില ഗുരുതരമാണ്.
ആദം-തുംറൈത്ത് റോഡില് ഹൈമക്ക് സമീപം ഞായറാഴ്ച പുലര്ച്ചയുണ്ടായ അപകടത്തില് ആറുപേര്ക്ക് പരിക്കേറ്റിരുന്നു.ആദം-തുംറൈത്ത് റോഡില് അടുത്തിടെ നിരവധി വാഹന അപകടം നടന്നു. ഖരീഫ് സീസണ് ആരംഭിച്ചതോടെ സലാലയിലേക്കുള്ള വാഹനങ്ങളുടെ തിരക്കാണ് ഈ പാതയില്. ജൂണ് 26നുണ്ടായ വാഹനാപകടത്തില് ഏഴ് പേര്ക്ക് പരിക്കേറ്റിരുന്നു. 19ന് ഉണ്ടായ മറ്റൊരു വാഹനാപകടത്തില് കണ്ണൂര് സ്വദേശി മരിക്കുകയും അഞ്ചുപേര്ക്ക് പരിക്കേല്ക്കുകയും ചെയ്തിരുന്നു.