സൗദിയിൽ മയക്കുമരുന്ന് ശേഖരങ്ങളുമായി സ്ത്രീ ഉൾപ്പെടെ അഞ്ചുപേർ പിടിയിൽ
Aug 4, 2022, 20:10 IST
സൗദിയിൽ മയക്കുമരുന്ന് ശേഖരങ്ങളുമായി സ്ത്രീ ഉൾപ്പെടെ അഞ്ചുപേർ പിടിയിൽ.സിറിയൻ സ്വദേശിയായ സ്ത്രീയുൾപ്പെടെ രണ്ടുപേരെ റിയാദിൽനിന്നാണ് ജനറൽ ഡയറക്ടറേറ്റ് ഓഫ് നാർകോട്ടിക്സ് കൺട്രോൾ അറസ്റ്റ് ചെയ്തത്.
വിസിറ്റ് വിസയിൽ രാജ്യത്തെത്തിയ സ്ത്രീയും നിയമാനുസൃത ഇഖാമയിൽ രാജ്യത്ത് കഴിയുന്ന സിറിയൻ പൗരനുമാണ് അറസ്റ്റിലായത്. ഇവരുടെ പക്കൽ 7,32,010 ലഹരിഗുളികകൾ കണ്ടെത്തി. നിയമാനുസൃത നടപടികൾ പൂർത്തിയാക്കി ഇരുവർക്കുമെതിരായ കേസ് പബ്ലിക് പ്രോസിക്യൂഷന് കൈമാറിയതായി ജനറൽ ഡയറക്ടറേറ്റ് ഓഫ് നാർകോട്ടിക്സ് കൺട്രോൾ വക്താവ് മേജർ മുഹമ്മദ് അൽനജീദി അറിയിച്ചു.