.jpg)
ഡ്യൂട്ടിക്കിടെ വനിതാ ഡോക്ടര്‍ കുഴഞ്ഞുവീണ് മരിച്ചു
Apr 18, 2022, 08:22 IST
രോഗിയെ പരിശോധിച്ചുകൊണ്ടിരിക്കെ കുഴഞ്ഞുവീഴുകയായിരുന്നു
ഡ്യൂട്ടിക്കിടെ തമിഴ് വനിതാ ഡോക്ടര്‍ റിയാദില്‍ കുഴഞ്ഞുവീണ് മരിച്ചു. രോഗിയെ പരിശോധിച്ചുകൊണ്ടിരിക്കെയാണ് റിയാദിലെ പ്രമുഖ ഇന്ത്യന്‍ ഗൈനക്കോളജിസ്റ്റും അല്‍ഫലാഹ് ആശുപത്രിയിലെ ഡോക്ടറുമായ തമിഴ്‌നാട് സ്വദേശി ഡോ. സത്യഭാമ മരിച്ചത്. ഞായറാഴ്ച്ച ഉച്ചക്ക് രോഗിയെ പരിശോധിച്ചുകൊണ്ടിരിക്കെ കുഴഞ്ഞുവീഴുകയായിരുന്നു. ഉടന്‍ തന്നെ സൗദി ജര്‍മന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.
20 വര്‍ഷമായി അല്‍ഫലാഹ് ആശുപത്രിയില്‍ ഗൈനക്കോളജിസ്റ്റായി ജോലി ചെയ്യുകയാണ്. ബ്രിട്ടനിലുള്ള മകന്‍ ഡോ. വരുണ്‍ റിയാദിലേക്ക് തിരിച്ചിട്ടുണ്ട്. അമേരിക്കയിലുള്ള മറ്റൊരു മകന്‍ നാട്ടിലെത്തും. ഭര്‍ത്താവ് നേരത്തെ മരിച്ചിരുന്നു.
