സൗദി ദേശീയദിനാഘോഷങ്ങള്ക്ക് തുടക്കം കുറിച്ച് ജിദ്ദയില് വ്യോമാഭ്യാസ പ്രകടനം
റിയാദ്: സൗദി അറേബ്യയുടെ 92-ാമത് ദേശീയ ദിനാഘോഷത്തിന് തുടക്കം കുറിച്ച് ജിദ്ദയില് വിസ്മയ കാഴ്ചയൊരുക്കി വ്യോമാഭ്യാസ പ്രകടനം. സംഗീത സംഘത്തിന്റെ അകമ്പടിയോടെയായിരുന്നു വൈകിട്ട് നാലര മുതല് ഒരു മണിക്കൂര് നീണ്ട അഭ്യാസ പ്രകടനം.
ജിദ്ദക്കു പുറമെ, അല്ഖോബാര്, ദമാം, ജുബൈല്, അല്ഹസ, തായിഫ്, തബൂക്ക്, അബഹ, സറാത്ത് അബീദ, ഖമീസ് മുശൈത്ത്, അല്ബാഹ എന്നിവിടങ്ങളിലും കര, നാവിക, സൈനിക പ്രകടനങ്ങള് നടന്നു. റിയാദിലെ ദര്ഇയയില് വൈകുന്നേരം നാലു മുതല് അഞ്ചുവരെ സമയങ്ങളില് നാവിക സേനയിലെ സൈക്കിള് റൈഡര്മാരുടെ പ്രകടനമുണ്ടാകും. റിയാദ്, ബുറൈദ, അല്കോബാര്, മദീന, അബഹ, അല്ബാഹ, നജ്റാന്, ജിസാന്, ഹായില്, അറാര്, സകാക, തബൂക്ക്, ജിദ്ദ, തായിഫ്, അല്ഹസ, ഉനൈസ, ഹഫര് അല്ബാത്തിന്, ദമാം എന്നിങ്ങനെ 18 സ്ഥലങ്ങളിലാണ് രാത്രി ഒമ്പത് മണിക്ക് കരിമരുന്ന് പ്രയോഗം നടക്കുക.