ഖ​ത്ത​റി​ൽ അവധിക്കാലം ചെലവഴിക്കാൻ ആഡംബര ബോട്ടുകൾക്ക് പ്രിയമേറുന്നു
boat

 


ദോ​ഹ: ഖ​ത്ത​റി​ൽ ആ​ഡം​ബ​ര നൗ​ക​ക​ൾ​ക്ക് പ്രി​യ​മേ​റു​ന്നു. പൗ​ര​ന്മാ​രും താ​മ​സ​ക്കാ​രു​മു​ൾ​പ്പെ​ടെ​യു​ള്ള​വ​രി​ൽ നി​ര​വ​ധി പേ​രാ​ണ് അ​വ​ധി​ക്കാ​ലം ചെ​ല​വ​ഴി​ക്കാ​നാ​യി ആ​ഡം​ബ​ര നൗ​ക​ക​ൾ തെ​ര​ഞ്ഞെ​ടു​ക്കു​ന്ന​തെ​ന്ന് ഖ​ത്ത​റി​ലെ ല​ക്ഷ്വ​റി ടൂ​റി​സം ഏ​ജ​ൻ​സി​യാ​യ ഔ​ട്ടി​ങ് ഖ​ത്ത​ർ സ്​​ഥാ​പ​ക​നും മാ​നേ​ജി​ങ് ഡ​യ​റ​ക്ട​റു​മാ​യ മു​സ്​​അ​ദ് മു​സ്​​ത​ഫ എ​ലൈ​വ പ​റ​ഞ്ഞു. 500 കി​ലോ​മീ​റ്റ​റോ​ളം ക​ട​ൽ​ത്തീ​ര​മു​ള്ള ഖ​ത്ത​റി​ൽ ആ​ഡം​ബ​ര നൗ​ക​ക​ൾ കേ​ന്ദ്രീ​ക​രി​ച്ചു​ള്ള ടൂ​റി​സം സ​ജീ​വ​മാ​കു​മെ​ന്നും അ​ദ്ദേ​ഹം പ​റ​ഞ്ഞു.

മു​ൻ​വ​ർ​ഷ​ങ്ങ​ളേ​ക്കാ​ൾ ഈ ​വേ​ന​ലി​ൽ ആ​ഡം​ബ​ര ബോ​ട്ടു​ക​ൾ​ക്കാ​യി ആ​വ​ശ്യ​ക്കാ​ർ വ​ർ​ധി​ച്ചി​ട്ടു​ണ്ട്. ക​ടു​ത്ത വേ​ന​ലി​ൽ ആ​ളു​ക​ൾ​ക്ക് ക​ട​ലി​ൽ പോ​കാ​നാ​ണ് പ്രി​യ​മെ​ന്നും കു​ടും​ബ​ങ്ങ​ളും സൗ​ഹൃ​ദ​ക്കൂ​ട്ടാ​യ്മ​ക​ളും സ​ന്ദ​ർ​ശ​ക​രാ​യെ​ത്തി​യ വി​നോ​ദ​സ​ഞ്ചാ​രി​ക​ളും ഇ​തി​ലു​ൾ​പ്പെ​ടു​ന്നു​വെ​ന്നും മു​സ്​​അ​ദ് എ​ലൈ​വ കൂ​ട്ടി​ച്ചേ​ർ​ത്തു. ആ​ഡം​ബ​ര നൗ​ക​ക​ൾ​ക്കു പു​റ​മെ, വാ​ട്ട​ർ സ്​​പോ​ർ​ട്സ്, ബാ​ർ​ബി​ക്യൂ പാ​ർ​ട്ടി, അ​ർ​ധ​രാ​ത്രി​വ​രെ​യു​ള്ള വി​നോ​ദ പ​രി​പാ​ടി എ​ന്നി​വ​ക്കും ആ​വ​ശ്യ​ക്കാ​ർ കൂ​ടി. ഖ​ത്ത​റി​ന​ക​ത്തു​നി​ന്നും പു​റ​ത്തു​നി​ന്നും വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​തി​ന്‍റെ ഭാ​ഗ​മാ​യി ടൂ​റി​സം​മേ​ഖ​ല ഏ​റെ വ​ള​ർ​ച്ച കൈ​വ​രി​ച്ച​താ​യും അ​ദ്ദേ​ഹം സൂ​ചി​പ്പി​ച്ചു.

ഈ ​വ​ർ​ഷം അ​വ​സാ​ന​ത്തോ​ടെ വി​പു​ലീ​ക​ര​ണ പ്ര​വൃ​ത്തി​ക​ൾ പൂ​ർ​ത്തി​യാ​യി ദോ​ഹ പോ​ർ​ട്ട് ഗ്രാ​ൻ​ഡ് ടെ​ർ​മി​ന​ൽ തു​റ​ന്നു​കൊ​ടു​ക്കു​ന്ന​തോ​ടെ ക്രൂ​യി​സ്, സൂ​പ്പ​ർ​യാ​ച്ച് ടൂ​റി​സം മേ​ഖ​ല കു​തി​ച്ചു​യ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. പ്ര​തി​ദി​നം 12000ത്തി​ല​ധി​കം യാ​ത്ര​ക്കാ​രെ ഉ​ൾ​ക്കൊ​ള്ളാ​ൻ ടെ​ർ​മി​ന​ലി​നാ​കും. ആ​ഡം​ബ​ര ബോ​ട്ടു​ക​ൾ​ക്കു​പു​റ​മേ, ഖ​ത്ത​റി​ൽ ഹെ​ലി​കോ​പ്റ്റ​ർ ടൂ​ർ, ആ​ഡം​ബ​ര കാ​റു​ക​ൾ എ​ന്നി​വ​ക്കാ​യു​ള്ള ആ​വ​ശ്യ​ക്കാ​രും വ​ർ​ധി​ച്ചി​ട്ടു​ണ്ടെ​ന്ന് ഔ​ട്ടി​ങ് ഖ​ത്ത​ർ സ്​​ഥാ​പ​ക​ൻ വ്യ​ക്ത​മാ​ക്കി. രാ​ജ്യ​ത്തി​ന്‍റെ ടൂ​റി​സം മേ​ഖ​ല​യു​ടെ വ​ള​ർ​ച്ച​യെ​യും വൈ​വി​ധ്യ​വ​ത്ക​ര​ണ​ത്തെ​യു​മാ​ണ് ഇ​ത് പ്ര​തി​ഫ​ലി​പ്പി​ക്കു​ന്ന​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.
 

Share this story