യു.എ.ഇയിലെ വിവിധ എമിറേറ്റുകളിൽ ശക്തമായ മഴ
Aug 6, 2022, 19:47 IST
യു.എ.ഇയിലെ വിവിധ എമിറേറ്റുകളിൽ ശക്തമായ മഴ. അൽഐനിലും ദുബൈയുടെ ചില ഭാഗങ്ങളിലുമാണ് വൈകീട്ടോടെ മഴ പെയ്തത്. പകൽ സമയത്തെ ശക്തമായ ചൂടിന് ആശ്വാസമായി താപനില കുറക്കാൻ മഴക്ക് സാധിച്ചു.
അതേസമയം വാഹനമോടിക്കുന്നവരും മറ്റു യാത്രക്കാരും ജാഗ്രത പാലിക്കണമെന്നും വാദികളിൽ നിന്ന് അകന്നുനിൽക്കണമെന്നും അധികൃതർ ആവശ്യപ്പെട്ടു. അസാധാരണമായ തീവ്രതയുള്ള അപകടകരമായ മഴക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം നൽകുന്ന മുന്നറിയിപ്പ്.