കുവൈത്തിൽ ക്ഷയരോഗികൾക്ക് നിർബന്ധിത എച്ച്.ഐ.വി പരിശോധന ഏർപ്പെടുത്താൻ തീരുമാനം
കുവൈത്തിൽ ക്ഷയരോഗികൾക്ക് നിർബന്ധിത എച്ച്.ഐ.വി പരിശോധന ഏർപ്പെടുത്താൻ തീരുമാനം. പൊതുജനാരോഗ്യം നിലനിർത്താനും ഭാവിതലമുറയെ അണുബാധയിൽനിന്ന് സംരക്ഷിക്കാനും വേണ്ടിയാണ് നടപടിയെന്ന് ആരോഗ്യമന്ത്രാലയം അറിയിച്ചു.
ആരോഗ്യമന്ത്രി ഡോ. ഖാലിദ് അൽ സയീദ് ആണ് രാജ്യത്തെ ക്ഷയരോഗബാധിതർ നിർബന്ധമായും എച്ച്.ഐ.വി പരിശോധനക്ക് വിധേയമാകണമെന്ന നിർദേശത്തിന് അംഗീകാരം നൽകിയത്. എല്ലാ ആരോഗ്യകേന്ദ്രങ്ങളിലും സർക്കാർ ആശുപത്രികളിലും എച്ച്.ഐ.വി പരിശോധനക്കുള്ള സൗകര്യം ഏർപ്പെടുത്താനും അദ്ദേഹം നിർദേശം നൽകി. ആരോഗ്യകേന്ദ്രങ്ങളിലും ആശുപത്രികളിലും ശേഖരിക്കുന്ന സാമ്പിളുകൾ ആരോഗ്യമന്ത്രാലയം അംഗീകരിച്ച ലബോറട്ടറികളിലാണ് പരിശോധന നടത്തേണ്ടത്.