നടന് കെ.ടി.എസ്.പടന്നയില് അന്തരിച്ചു
![നടന് കെ.ടി.എസ്.പടന്നയില് അന്തരിച്ചു](https://keralaonlinenews.com/static/c1e/client/94744/migrated/b961ffc6ec2db934cddc3e0c66b6b9d9.jpg)
മുതിര്ന്ന നടന് കെ.ടി.എസ്.പടന്നയില് അന്തരിച്ചു. 88 വയസ്സായിരുന്നു. തൃപ്പൂണിത്തുറ സ്വദേശിയാണ്. നാടകലോകത്തുനിന്ന് സിനിമയിലെത്തിയ കെ.ടി.എസ്.പടന്നയില് ശ്രദ്ധേയമായ വേഷങ്ങള് മലയാളത്തില് അവതരിപ്പിച്ചിട്ടുണ്ട്.
വാര്ധക്യസഹജമായ രോഗങ്ങളെ തുര്ന്നാണ് അന്ത്യം. 140-ല് അധികം സിനിമകളില് അഭിനയിച്ചിട്ടുണ്ട്. രാജസേനന് സംവിധാനം ചെയ്ത അനിയന് ബാവ ചേട്ടന് ബാവ ആണ് ആദ്യ ചിത്രം. വൃദ്ധന്മാരെ സൂക്ഷിക്കുക, ശ്രീകൃഷ്ണപുരത്തെ നക്ഷത്രത്തിളക്കം, ആദ്യത്തെ കണ്മണി, വൃദ്ധന്മാരെ സൂക്ഷിക്കുക, അനിയന് ബാവ ചേട്ടന് ബാവ, സ്വപ്നലോകത്തെ ബാലഭാസ്കരന്, കഥാനായകന്, കുഞ്ഞിരാമായണം, അമര് അക്ബര് അന്തോണി തുടങ്ങി നിരവധി ഹിറ്റ് സിനിമകളുടെ ഭാഗമായിട്ടുണ്ട്. കെ.ടി.സുബ്രഹ്മണ്യന് പടന്നയില് എന്നാണ് മുഴുവന് പേര്.
1956-ല് ‘വിവാഹ ദല്ലാള്’ എന്ന നാടകത്തിലൂടെയായിരുന്നു അഭിനയ രംഗത്തേക്കുള്ള അരങ്ങേറ്റം. പിന്നീട് പ്രൊഫഷണല് നാടകരംഗത്ത് 50 വര്ഷം നീണ്ട അഭിനയജീവിതം.
വൈക്കം മാളവിക, ചങ്ങനാശേരി ഗീഥ, കൊല്ലം ട്യൂണ, ആറ്റിങ്ങല് പത്മശ്രീ, ഇടക്കൊച്ചി സര്ഗചേതന തുടങ്ങി ഒട്ടേറെ സമിതികളില് പ്രവര്ത്തിച്ചിട്ടുണ്ട്. ഭാര്യ രമണി, മക്കള്: ശ്യാം, സ്വപ്ന, സന്നന്, സാജന്
![നടന് കെ.ടി.എസ്.പടന്നയില് അന്തരിച്ചു](https://keralaonlinenews.com/static/c1e/client/94744/migrated/24d4b59cbd677ccbeb5523c266f55935.jpg)