കുറുപ്പത്ത് ശിവശങ്കർ ചെരിഞ്ഞു

തൃശൂർ: തശ്ശൂർ ജില്ലയിലെ ഉയരം കൂടിയ ആനകളിൽ ഒന്നായ കുറുപ്പത്ത് ശിവശങ്കർ ചെരിഞ്ഞു. 55 വയസ്സായ ആന മദപ്പാടിലായിരുന്നു. വയറ് സ്തംഭനത്തെ തുടർന്ന് കഴിഞ്ഞദിവസം മുതൽ അവശതയിലായിരുന്നു. കേച്ചേരി തോളൂർ സ്വദേശിയായ ദിലീപിൻ്റെ ഉടമസ്ഥതയിലുള്ള ആനയാണ്  ചെരിഞ്ഞത്.

ഇന്നലെ പുലർച്ചെ തോളൂരിലെ ഉടമയുടെ വീട്ടിൽ വെച്ചാണ് ചെരിഞ്ഞത്. പുത്തൻകുളം ലക്ഷ്മണൻ എന്ന ആനയാണ് പിന്നീട് കുറുപ്പത്ത് ശിവശങ്കറായത്. മേഖലയിലെ എഴുന്നള്ളിപ്പുകളിലെ ഇപ്പോഴത്തെ തലയെടുപ്പുള്ള ആനകളിൽ ഒന്നായിരുന്നു കുറുപ്പത്ത് ശിവശങ്കർ.