അമ്മയും മകളും വീടിനുള്ളിൽ തൂങ്ങി മരിച്ച നിലയിൽ

തൃശൂർ: കടങ്ങോട് നീണ്ടൂരിൽ അമ്മയേയും മകളേയും വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. നീണ്ടൂർ തങ്ങൾപ്പടി കണ്ടരശ്ശേരി വീട്ടിൽ രേഖ(35), മകൾ ആരതി(10) എന്നിവരാണ് മരിച്ചത്. തിങ്കളാഴ്ച്ച ഉച്ചയ്ക്ക് 12 മണിയോടെയാണ് സംഭവം.

എരുമപ്പെട്ടി പൊലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു. ഇൻക്വസ്റ്റ് നടപടികൾക്ക് ശേഷം മൃതദേഹം തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റും. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും. അതേസമയം, മരണകാരണമെന്തെന്ന് വ്യക്തമല്ല.