മഴക്കെടുതി; മഞ്ചേശ്വരം താലൂക്കിലെ വിവിധ പ്രദേശങ്ങൾ ജില്ലാ കലക്ടർ സന്ദർശിച്ചു

കാസർഗോഡ് : താലൂക്കിലെ കൊഡ്ല മൊഗ റു വില്ലേജിൽ കെജേമഞ്ചേശ്വരംർ പദവിൽ ഭൂമി വിണ്ട് കീറിയ പ്രദേശം ജില്ലാ കളക്ടർ കെ. ഇമ്പശേഖർ സന്ദർശിച്ചു. ഭൂമി വിണ്ടു കീറിയത് അളന്നു തിട്ടപ്പെടുത്തി റിപ്പോർട്ട് സമർപ്പിക്കാൻ വില്ലേജ് ഓഫീസർക്ക് നിർദ്ദേശം നൽകി.

കൊഡ്ല മൊഗറുവിലെ കുന്നിടിച്ചിൽ ഉണ്ടായ സ്ഥലവും കളക്ടർ സന്ദർശിച്ചു. പ്രദേശത്തെ ആറ് വീട്ടുകാർക്ക് മാറി താമസിക്കാൻ നിർദ്ദേശം നൽകി. ഇവർക്ക്  കാലാവസ്ഥ അനുകൂലമായാൽ തിരികെ എത്തി താമസിക്കാം. 

ബാഡൂർ വില്ലേജിലെ അംഗടിമൊഗറിൽ മലയോര ഹൈവേയിൽ  കുന്ന്  ഇടിഞ്ഞ് റോഡിലേക്ക് വീണു. പ്രദേശം ജില്ലാ കളക്ടർ കെ. ഇമ്പശേഖർ സന്ദർശിച്ചു.  സ്കൂളിനോട് ചേർന്നുണ്ടായ മണ്ണിടിച്ചിൽ വിദ്യാർത്ഥികൾ വരുന്ന റോഡിനും ഭീഷണിയാണ്. പുതിയതായി നിർമ്മിച്ച ചേവാർ- പെർള റോഡിൽ അംഗടിമൊഗറിലാണ് കുന്നിടിഞ്ഞത്. വിഷയത്തിൽ ജില്ലാ കളക്ടറുടെ അധ്യക്ഷതയിൽ എം.എൽ. എ,പഞ്ചായത്ത് പ്രസിഡൻ്റ്,സെക്രട്ടറി, തഹസിൽദാർ, കെ. ആർ.എഫ്.ബി ഉദ്യോഗസ്ഥർ, സ്കൂൾ ഹെഡ് മാസ്റ്റർ എന്നിവരുടെ യോഗം ചേരും.