ലയൺസ് ക്ളബ് സമാധാന പോസ്റ്റർ ഡിസൈൻ മത്സരം നടത്തും

കണ്ണൂർ: വേൾഡ് പോസ്റ്റർ ഡിസൈൻ ഡേയുടെ ഭാഗമായി ലയൺസ് ഇൻ്റർനാഷനൽ ഡിസ്ട്രിക്318 ഇ യുടെ നേതൃത്വത്തിൽ ഈ മാസം പത്തിന് രാവിലെ ഒൻപതു മണിക്ക് 11 മുതൽ 13 വയസു വരെയുള്ള കുട്ടികൾക്കായി സമാധാന പോസ്റ്റർ ഡിസൈൻ മത്സരം സംഘടിപ്പിക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു.

 വിജയികൾക്ക് ദേശീയ അന്തർദേശീയ മത്സരങ്ങൾക്ക് പങ്കെടുക്കാം. അതിരുകളില്ലാത്ത സമാധാനം എന്ന വിഷയത്തെ ആസ്പദമാക്കിയാണ് ചിത്രരചന നടത്തുന്നത്. അമേരിക്കയിൽ നടക്കുന്ന ഇൻ്റർനാഷനൽ മത്സരത്തിൽ വിജയികളാകുന്നവർക്ക് 500 മുതൽ 5000 ഡോളർ വരെ സമ്മാനതുക നേടാം.

മത്സരത്തിൽ പങ്കെടുക്കാൻ താൽപര്യമുള്ളവർ 9847155035, 9447745887 എന്നീ നമ്പറുകളിൽ ബന്ധപ്പെടണം. വാർത്ത സമ്മേളനത്തിൽ കെ.പി. ടി ജലീൽ, പി.പി വിനോദ്, എ രാജീവൻ, രാജൻ അഴീക്കോടൻ, സനോജ് എന്നിവർ പങ്കെടുത്തു