ഇരിട്ടിയിൽ ജോലിക്കിടെ കെട്ടിട നിർമ്മാണ തൊഴിലാളി വീണു മരിച്ചു

ഇരിട്ടി: കെട്ടിട നിർമ്മാണ തൊഴിലാളി തൊഴിലിനിടെ കെട്ടിടത്തിനു മുകളിൽ നിന്നും വീണു മരിച്ചു. പെരിങ്കരിയിലെ ബിനോയ് വാഴയിൽ (50 ) ആണ് മരിച്ചത്. ബുധനാഴ്ച രാവിലെ 11 മണിയോടെ ആയിരുന്നു അപകടം.

വളോരയിൽ  കെട്ടിട നിർമ്മാണ ജോലിക്കിടെ കെട്ടിടത്തിന് മുകളിൽ നിന്നും താഴെ വീണ ബിനോയിയെ ആദ്യം ഇരിട്ടി താലൂക്ക് ആശുപത്രിയിലും പിന്നീട് കണ്ണൂർ ജില്ലാ ആശുപത്രിയിലും പ്രവേശിപ്പിച്ചെങ്കിലും മരണമടയുകയായിരുന്നു. അമ്മ: കുട്ടിയമ്മ. സഹോദരങ്ങൾ : ലിസ്സി, ആഗ്നസ്, രാജു(വിളമന), രാജേഷ് (പെരിങ്കരി).