.jpg)
ചക്കരക്കൽ സ്വദേശി യു.എ.ഇയിൽ വാഹനാപകടത്തിൽ മരിച്ചു
Aug 6, 2024, 09:50 IST
ചക്കരക്കൽ: കണ്ണൂർ സ്വദേശിയായ യുവാവ് യുഎഇയിലെ അല്‍ഐനിലുണ്ടായ വാഹനാപകടത്തില്‍ മരണമടഞ്ഞു. ചക്കരക്കൽ മൗവ്വഞ്ചേരി സ്വദേശിയായ ചക്കരക്കൽ മൗവ്വഞ്ചേരിയിലെ അബ്ദുല്‍ ഹക്കീമാണ് (24) മരിച്ചത്. തിങ്കാളഴ്ച പുലര്‍ച്ചെ ഒരു മണിയോടെയാണ് അപകടം.
ഹക്കീം ഓടിച്ച കാര്‍ ട്രെയിലറില്‍ ഇടിക്കുകയായിരുന്നു. അല്‍ഐനില്‍ നിന്നു അബൂദാബിയിലേക്ക് വരുമ്പോള്‍ സൈ്വഹാന്‍ എന്ന സ്ഥലത്താണ് അപകടമുണ്ടായത്. അല്‍ഐനില്‍ സഹോദരന്‍ അസ്ഹറിനോടൊപ്പം ബിസിനസ് നടത്തുന്ന ഹക്കീം അവിവാഹിതനാണ്.
ഉപ്പ: അബ്ദുല്‍ ഖാദര്‍. ഉമ്മ: ഖൈറുന്നിസ. സഹോദരങ്ങള്‍: അസ്ഹര്‍(അല്‍ഐന്‍), ഹാജറ, ഹസ്‌ന. മയ്യിത്ത് നാട്ടിലെത്തിച്ച് ചൊവ്വാഴ്ച പള്ളിക്കണ്ടി ഖബര്‍സ്ഥാനില്‍ ഖബറടക്കുമെന്ന് ബന്ധുക്കൾ അറിയിച്ചു.
