ഇടുക്കി മെഡിക്കൽ കോളേജിൽ 25 ന് ശുചീകരണ യജ്ഞം
![dfsh](https://keralaonlinenews.com/static/c1e/client/94744/uploaded/c9d443cce69d1c50f178f0848451df42.jpg?width=823&height=431&resizemode=4)
ഇടുക്കി : ഇടുക്കി മെഡിക്കൽ കോളേജിൽ വരുന്ന വാഴാഴ്ച്ച ( 25 ന് ) ശുചീകരണ യജ്ഞം സംഘടിപ്പിക്കുന്നു. ആശുപത്രി വികസന സമിതിയുടെ ആഭിമുഖ്യത്തിൽ വിവിധ രാഷ്ട്രീയ പാർട്ടികൾ ,സംഘടനകൾ, വ്യക്തികൾ എന്നിവർ ഒത്തൊരുമിച്ചാണ് ശുചീകരണം നടത്തുക. ആദ്യഘട്ട ശുചീകരണം കഴിഞ്ഞ ദിവസം മെഡിക്കൽ വിദ്യാർത്ഥികളുടെ നേതൃത്വത്തിൽ നടത്തിയിരുന്നു.
ശുചീകരണപ്രവർത്തനങ്ങൾക്ക് ശേഷം പഴയ കെട്ടിടത്തിൽ പ്രവർത്തിച്ചിരുന്ന പുരുഷ , സ്ത്രീ മെഡിസിൻ വാർഡുകൾ ,ഐ സി യു , ലാബ് തുടങ്ങിയവയെല്ലാം പുതിയ കെട്ടിടത്തിലേക്ക് മറ്റും. പഴയ കെട്ടിടത്തിൽ സർജറി , ഓർത്തോ , പീഡിയാട്രിക് ഒപി , വാർഡുകൾ എന്നിവയാകും രോഗികളുടെ സൗകര്യാർത്ഥം പുതുതായി സജ്ജീകരിക്കുക . വിജകരമായി ഒന്നാം വർഷം പൂർത്തിയാക്കിയ വിദ്യാർത്ഥികൾക്ക് പുതിയ സ്മാർട്ട് ക്ലാസ് റൂം , ഏകീകൃത ലൈബ്രറി , ഡെമോൺസ്ട്രേഷൻ റൂം എന്നിവ ഉടൻ സജ്ജീകരിക്കും. ഇതിനായുള്ള പ്രവൃത്തികൾക്ക് ഭരണാനുമതി ലഭിച്ചിട്ടുണ്ട്. ആശുപത്രിയിലേക്ക് അധികമായി ആവശ്യമുള്ള കസേര , വാട്ടർ പ്യൂരിഫൈർ തുടങ്ങിയവ വിവിധ സന്നദ്ധ സംഘടനകളിൽ നിന്നും സ്പോൺസർഷിപ്പിലൂടെ ലഭ്യമാക്കാനും ആശുപത്രി വികസന സമിതി യോഗം തീരുമാനിച്ചു.
![](https://keralaonlinenews.com/static/c1e/static/themes/11/94744/4170/images/new-shopprix-ad.jpg)
ജില്ല കളക്ടർ ഷീബ ജോർജ്ജിന്റെ അധ്യക്ഷതയിൽ ആശുപത്രി കോൺഫറൻസ് ഹാളിൽ നടന്ന യോഗത്തിൽ ജില്ലാ ആസൂത്രണ സമിതി ഉപാധ്യക്ഷൻ സി വി വർഗീസ് , മെഡിക്കൽ കോളേജ് പ്രിൻസിപ്പൽ ഡോ . ബാലകൃഷ്ണൻ ,ആശുപത്രി സൂപ്രണ്ട് ഡോ. സുരേഷ് വർഗീസ്, ആശുപത്രി വികസന സമിതി അംഗങ്ങളായ സി. എം അസിസ്, ജെയിൻ അഗസ്റ്റിൻ, അനിൽ കൂവപ്ലാക്കൽ, ജോസ് കുഴികണ്ടം, സാജൻ കുന്നേൽ, സണ്ണി ഇല്ലിക്കൽ, എം. ഡി അർജുനൻ, സജി തടത്തിൽ , ഔസേപ്പച്ചൻ എടക്കുളത്തിൽ തുടങ്ങിയവർ പങ്കെടുത്തു.