മൂവാറ്റുപുഴയിൽ കെഎസ്ആർടിസി ബസും കാറും കൂട്ടിയിടിച്ച് അപകടം : 6 വിദ്യാർത്ഥികൾക്ക് പരിക്കേറ്റു

കൊച്ചി: മൂവാറ്റുപുഴ- പിറവം റോഡിൽ കെഎസ്ആർടിസി ബസും കാറും കൂട്ടിയിടിച്ച് അപകടം. 6 വിദ്യാർത്ഥികൾക്ക് പരിക്കേറ്റു.എയ്ഞ്ചൽ വോയ്സ് ജംഗ്ഷനിലാണ് കെഎസ്ആർടിസി ബസ്സും കാറും കൂട്ടിയിടിച്ചത്. കാറിലുണ്ടായിരുന്ന ആറുപേർക്ക് പരിക്കേറ്റത് .  കോതമംഗലം എം എ കോളേജ് വിദ്യാർത്ഥികളാണ് കാറിലുണ്ടായിരുന്നത്. 

പിറവത്തെ അരീക്കൽ വെള്ളച്ചാട്ടം സന്ദർശിച്ചതിന് ശേഷം മടങ്ങി വരികയായിരുന്ന വിദ്യാർത്ഥികളുടെ കാറാണ് അപകടത്തിൽപ്പെട്ടത്.  മൂവാറ്റുപുഴ ഭാഗത്ത്‌ നിന്ന് പിറവം ഭാഗത്തേക്ക്‌ പോകുകയായിരുന്ന ബസുമായാണ് കാർ  കൂട്ടിയിടിച്ചത്. പരിക്കേറ്റ് രണ്ട് പേരെ ആലുവ രാജഗിരി ഹോസ്പിറ്റലിലും 3 പേരെ മൂവാറ്റുപുഴ നിർമ്മല ആശുപത്രിയിലും പ്രവേശിപ്പിച്ചു.