അവിണിശ്ശേരിയിൽ ഫർണിച്ചർ നിർമാണ കേന്ദ്രങ്ങളിൽ തീപിടിത്തം
![The young man's head caught fire while repairing a car in Malappuram](https://keralaonlinenews.com/static/c1e/client/94744/uploaded/407bc9752f8e63f0cdfb08fb9c966b4c.jpg?width=823&height=431&resizemode=4)
![The young man's head caught fire while repairing a car in Malappuram](https://keralaonlinenews.com/static/c1e/client/94744/uploaded/407bc9752f8e63f0cdfb08fb9c966b4c.jpg?width=382&height=200&resizemode=4)
ഒല്ലൂർ : അവിണിശ്ശേരി ഏഴുകമ്പനിക്ക് സമീപം ഫർണിച്ചർ നിർമാണശാല കത്തിനശിച്ചു. എടക്കുന്നി കാപ്പുഴ രഞ്ജിത്തിന്റെ ഉടമസ്ഥതയിലുള്ള ഫർണിച്ചർ നിർമാണശാലയാണ് കത്തിനശിച്ചത്. വ്യാഴാഴ്ച പുലർച്ചെ രണ്ടോടെയാണ് തീ കത്തുന്നത് സമീപവാസികൾ കണ്ടത്.
നിർമാണശാലയിൽ ഉണ്ടായിരുന്ന തേക്കുമരങ്ങളും നിർമാണം പൂർത്തിയായ കട്ടിൽ, സെറ്റികൾ, കസേരകൾ, കട്ടറുൾപ്പെടെ മെഷിനറികൾ എന്നിവയും ഷെഡും പൂർണമായി നശിച്ചു. ഏഴ് ലക്ഷം രൂപയുടെ നഷ്ടം കണക്കാക്കുന്നു. ബുധനാഴ്ച വൈകീട്ട് സമീപത്തെ പറമ്പിലെ ചവറിന് തീ പിടിച്ചിരുന്നു. തൃശൂരിൽനിന്നും പുതുക്കാട് നിന്നും അഗ്നിശമന സേനാംഗങ്ങളെത്തിയാണ് തീയണച്ചത്.