കണ്ണൂരിൽ ആർകിടെക്റ്റ് അവാർഡ് മെയ് ഏഴിന് മന്ത്രി മുഹമ്മദ് റിയാസ് വിതരണം ചെയ്യും

കണ്ണൂർ : ഇന്ത്യൻ ഇൻസ്റ്റിറ്റ്യൂട്ട് ഓഫ് ആർക്കിടെക്സ് നേതൃത്വത്തിൽ മികച്ച ആർക്കിടെക്റ്റ് നിർമ്മാണത്തിന് നൽകുന്ന കേരള സ്‌റ്റേറ്റ് അവാർഡ് ചടങ്ങ് മെയ് 6, 7 തിയ്യതികളിൽ പയ്യാമ്പലം കൃഷ്ണ ബീച്ച് റിസോർട്ടിൽ സംഘടിപ്പിക്കുമെന്ന് സംഘാടകർ കണ്ണൂരിൽ അറിയിച്ചു.

ആറിന്  രാവിലെ 9 ന് ചടങ്ങ് മേയർ ടി.ഒ. മോഹനൻ ഉദ്ഘാടനം ചെയ്യും. സുസ്ഥിര നിർമ്മിതിക്കാണ് ഈ വർഷം പുരസ്കാരം നൽകുന്നത്. 16 വിഭാഗങ്ങളിലായി 60 നിർമ്മിതികളാണ് ഷോർട് ലിസ്റ്റിലുള്ളത്.7 ന് പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് പുരസ്കാര വിതരണം നടത്തും.

സാമൂഹ്യ പ്രതിബന്ധതയുള്ള വസ്തുകല എന്നതാണ് ഈ വർഷത്തെ പ്രധാന തീം.ചടങ്ങിൻ്റെ ഭാഗമായി പ്രകൃതി സംരക്ഷണത്തിൻ്റെ സന്ദേശം ജനങ്ങൾക്കിടയിലെത്തിക്കുന്നതിന് കണ്ണൂർ എസ്.എൻ കോളേജിൽ മിയ വാക്കി വനം നട്ടുപിടിപ്പിക്കും.വാർത്താ സമ്മേളനത്തിൽ IIA കേരള ചാപ്റ്റർ ചെയർമാൻ എൽ ഗോപകുമാർ, സുജിത്ത് കുമാർ, സജോ ജോസഫ്, ലിജു ടി.വി, സുധീഷ് പങ്കെടുത്തു.