കണ്ണൂർ ഡി.സിസി ഓഫിസിന് നേര അക്രമം പൊലിസ് കേസെടുത്തു
Jun 15, 2022, 10:42 IST
കണ്ണൂർ: കണ്ണൂർ ഡിസിസി ഓഫീസ് ആക്രമിച്ച സംഭവത്തിൽ ബൈക്കിലെത്തിയ രണ്ടുപേർക്കെതിരേ പോലീസ് കേസെടുത്തു.
ഡിസിസി പ്രസിഡന്റിന്റെ പരാതിയിൽ കണ്ണൂർ ടൗൺ പോലീസാണ് കേസെടുത്ത് അന്വേഷണം ആരംഭിച്ചത്.
മുഖ്യമന്ത്രി പിണറായി വിജയനെ വിമാനത്തിൽ വച്ച് ആക്രമിച്ചു കൊലപ്പെടുത്താൻ ശ്രമിച്ചുവെന്ന ആരോപണത്തെ തുടർന്ന് സംസ്ഥാനവ്യാപകമായി കോൺഗ്രസ് ഓഫീസുകൾക്കു നേരേയുണ്ടായ ആക്രമണങ്ങളുടെ തുടർച്ചയായാണ് കണ്ണൂർ ഡിസിസി ഓഫീസിനുനേരെയുണ്ടായ അതിക്രമമെന്നായിരുന്നു കോൺഗ്രസ് നേതാക്കളുടെ ആരോപണം.
തിങ്കളാഴ്ച രാത്രിയാണ് ബൈക്കിലെത്തിയ സംഘം ഡിസിസി ഓഫീസിനുനേരെ കല്ലെറിഞ്ഞത്.