പിണങ്ങി നില്ക്കുന്ന ഭാര്യയെ പാട്ടിലാക്കാന് ചില ഉപായങ്ങളിതാ
ദാമ്പത്യത്തിനിടയില് പിണങ്ങാത്ത ഭാര്യയും ഭര്ത്താവും അപൂര്വമായിരിക്കും. ചിലര് ദിവസവും വഴക്കുണ്ടാക്കുകയും എല്ലാ പിണക്കവും അന്നുതന്നെ തീര്ക്കുകയും ചെയ്യുന്നവരാണ്. ചിലരുടെ പിണക്കം ദിവസങ്ങളോളം നീണ്ടുനില്ക്കും. ഓരോ വ്യക്തിയുടേയും സ്വഭാവത്തിനനുസരിച്ചായിരിക്കും ഇവരുടെ പിണക്കവും ഇണക്കവുമെല്ലാം. പിണങ്ങിയാലും ഭാര്യയോട് എളുപ്പം ചങ്ങാത്തം കൂടാനാഗ്രഹിക്കുന്നവരാണ് ഭൂരിഭാഗം ഭര്ത്താക്കന്മാരും. അത്ര എളുപ്പമൊന്നും ഇതിന് വഴങ്ങാത്തവരുമുണ്ട്. ഇത്തരക്കാരെ പാട്ടിലാക്കാന് ചില ഉപായങ്ങള് പരീക്ഷിക്കാവുന്നതാണ്.
മിക്ക പുരുഷന്മാരും കരുതുന്നത് ഭാര്യമാരെ പ്രീതിപ്പെടുത്താന് അസാധാരണമായ എന്തെങ്കിലും ചെയ്യണമെന്നാണ്. എന്നാല്, നിങ്ങള്ക്ക് വികാരങ്ങള് ഉള്ളതുപോലെതന്നെയാണ് നിങ്ങളുടെ ഭാര്യയ്ക്കും. അവര് പറയുന്നത് ക്ഷമയോടെ കേള്ക്കുക എന്നതാണ് പ്രധാനം. ഭാര്യ പറയുന്നത് കേട്ടുകഴിഞ്ഞാല് മാത്രം പ്രതികരിക്കുക. ഭാര്യ പരിഭവങ്ങളുടെ കെട്ടഴിക്കുകയാണെങ്കില് ഒന്ന് ആലിംഗനം ചെയ്താല് അവര് ആ സ്നേഹത്തില് അലിഞ്ഞുനില്ക്കും.
ജോലി കഴിഞ്ഞ് വീട്ടിലേക്ക് മടങ്ങുമ്പോള് മുഖം വീര്പ്പിച്ച് നില്ക്കുകയാണെങ്കില് ഒരു ചെറു ചുംബനത്തോടെ കെട്ടിപ്പിടിക്കുക. അവിടെത്തന്നെ ഒരു വിജയകരമായ ബോണസ് ലഭിച്ചുകഴിഞ്ഞു. സ്ഥിരമായ ശാരീരിക സമ്പര്ക്കം ദീര്ഘകാലം നിലനില്ക്കുന്നതും പൂര്ത്തീകരിക്കുന്നതുമായ പ്രണയ ബന്ധങ്ങളുടെ നട്ടെല്ലാണ് എന്നോര്ക്കണം.
അഭിനന്ദനവും പുകഴ്ത്തലുകളും ഇഷ്ടപ്പെടാത്ത ഭാര്യമാരുണ്ടാകില്ല. അത് നിങ്ങളുടെ സുഹൃത്തുക്കളുടെ മുന്നില് വെച്ചാണെങ്കില് ഇരട്ടിമധുരമാകും. സുഹൃത്തുക്കള്ക്കോ സഹപ്രവര്ത്തകര്ക്കോ ഭാര്യയെ പരിചയപ്പെടുത്തുമ്പോള് അല്പം പുകഴ്ത്തുക. പരസ്യമായുള്ള ഈ സ്നേഹപ്രകടനം ബന്ധത്തെ നിങ്ങള് വിലമതിക്കുന്നുവെന്ന് സൂചിപ്പിക്കുന്നു.
നിങ്ങളുടെ കൈകൊണ്ട് വീട്ടിലുണ്ടാക്കുന്ന ഭക്ഷണം അവളുടെ ഹൃദയം കീഴടക്കാനുള്ള ഏറ്റവും നല്ല മാര്ഗമാണ്. അവള് എന്താണ് കഴിക്കാന് ആഗ്രഹിക്കുന്നതെന്ന് എപ്പോഴും ചോദിക്കുക. അവരുടെ പ്രിയപ്പെട്ട വിഭവങ്ങള് നിങ്ങള് പാചകം ചെയ്യുമ്പോള്, അതിനെ ബഹുമാനിക്കുന്നതിന്റെ പേരില് അവള് നിങ്ങളെ ഭ്രാന്തമായി പ്രണയിക്കും.
നിങ്ങളുടെ ഭാര്യയോട് സംസാരിക്കുമ്പോഴും സംസാരം കേള്ക്കുമ്പോഴും ഒരിക്കലും പരുഷസ്വരം പുറത്തെടുക്കുകയോ വിമര്ശിക്കുകയോ ചെയ്യരുത്. ദയ കാണിക്കുക, കൃപയോടെ പ്രവര്ത്തിക്കുക, മൃദുവായ സ്വരത്തില് സംസാരിക്കുക.
ഏതൊരു സ്ത്രീയും ആഗ്രഹിക്കുന്ന മറ്റൊരു കാര്യമാണ് തന്റെ രൂപത്തെ മറ്റൊരാള് പുകഴ്ത്തുന്നത്. അത് നിങ്ങള് തമ്മിലുള്ള ബന്ധത്തെ കൂടുതല് ദൃഡമാക്കുകയും അഭിനിവേശം നിലനിര്ത്തുകയും ചെയ്യും.
സ്നേഹം ഉള്ളിലൊതുക്കുന്നതിന് പകരം എല്ലായിപ്പോഴും പരസ്യമായി പ്രകടിപ്പിക്കുക. അവരുടെ ആവശ്യങ്ങള് അവഗണിക്കരുത്, ശാരീരികവും വൈകാരികവുമായ സ്നേഹത്തില് എപ്പോഴും ചേര്ത്തുനിര്ത്തുക.