.jpg)
കൈയ്യക്ഷരം നോക്കി ആളുകളെ മനസിലാക്കുന്ന രഹസ്യം ഇതാ, നിങ്ങളുടെ സ്വഭാവം അറിയണോ?
കൈയ്യക്ഷരം നോക്കി ആളുകളെ മനസിലാക്കുന്ന രഹസ്യം ഇതാ, നിങ്ങളുടെ സ്വഭാവം അറിയണോ?
ഗ്രാഫോളജി എന്ന പേരില്‍ മനുഷ്യരുടെ കൈയ്യക്ഷര വിശകലനം കാലങ്ങളായി നിലവിലുണ്ട്. ഗ്രാഫോളജിയില്‍ വിദഗ്ധനായിക്കഴിഞ്ഞാല്‍ ഒരാള്‍ക്ക് മറ്റുള്ളവരുടെ കൈയ്യക്ഷരം നോക്കി അവരുടെ സ്വഭാവവും വ്യക്തിത്വവുമെല്ലാം അറിയാന്‍ സാധിക്കും. ഈ രീതിയില്‍ മറ്റൊരാളെ വിശകലനം ചെയ്യുന്നതില്‍ വിജയിച്ചാല്‍ എതിരാളികളെ മറികടക്കാനും നിങ്ങള്‍ക്ക് കഴിയും.
അക്ഷരങ്ങളുടെ വലുപ്പം
വലിപ്പമുള്ള അക്ഷരങ്ങളെഴുതുന്ന ഒരു വ്യക്തി മറ്റുള്ളവരുടെ ശ്രദ്ധയാകര്‍ഷിക്കണമെന്ന് ആഗ്രഹിക്കപ്പെടുന്ന വ്യക്തികളായിരിക്കും. അതേസമയം ചെറിയ കൈയക്ഷരം അന്തര്‍മുഖത്വത്തെയും സൂചിപ്പിക്കുന്നു.
അക്ഷരങ്ങളുടേയും വാക്കുകളുടേയും അകലം
വാക്കുകളും അക്ഷരങ്ങളും തമ്മിലുള്ള അകലം ഒരാളുടെ വ്യക്തിപരമായ പ്രവണതകളെക്കുറിച്ച് പറയുന്നു. കൂടുതല്‍ അകലം വ്യക്തിപരമായ ഇടത്തിന്റേയും സ്വാതന്ത്ര്യത്തിന്റെയും ആവശ്യകതയെ സൂചിപ്പിക്കുന്നു. അതേസമയം ഇടുങ്ങിയ അകലം അടുപ്പത്തിനും ശക്തമായ സാമൂഹിക ബന്ധങ്ങള്‍ക്കുമുള്ള ആഗ്രഹത്തെ സൂചിപ്പിക്കുന്നു.
അക്ഷരങ്ങളുടെ ചരിവ്
ഇടത്തോട്ടോ വലത്തോട്ടോ നേരെയോ ചായുന്ന കൈയക്ഷരങ്ങള്‍ പലപ്പോഴും മനുഷ്യന്റെ വൈകാരിക ആവിഷ്‌കാരവുമായി ബന്ധപ്പെട്ടിരിക്കുന്നു. വലതുവശത്തുള്ള എഴുത്ത് വികാരാധീനനും ഗംഭീരവുമായ വ്യക്തിത്വത്തെ സൂചിപ്പിക്കുന്നു. അതേസമയം ഇടതുവശത്തുള്ള എഴുത്ത് ആത്മപരിശോധനയെയും കരുതലുള്ള വികാരങ്ങളെയും സൂചിപ്പിക്കുന്നു.
അക്ഷരങ്ങളുടെ സമ്മര്‍ദ്ദം
അക്ഷരങ്ങള്‍ എഴുതുമ്പോള്‍ സമ്മര്‍ദ്ദം ചെലുത്തിയും സമ്മര്‍ദ്ദമില്ലാതേയും എഴുതുന്നവരുണ്ട്. എഴുതുമ്പോള്‍ ചെലുത്തുന്ന സമ്മര്‍ദ്ദത്തെ വൈകാരിക തീവ്രതയുമായി ബന്ധിപ്പിക്കുന്നു. കൂടുതല്‍ സമ്മര്‍ദ്ദം ശക്തമായ വികാരങ്ങളുമായും നിശ്ചയദാര്‍ഢ്യവുമായും ബന്ധപ്പെട്ടിരിക്കുമ്പോള്‍ നേരിയ സമ്മര്‍ദ്ദം അതിലോലവും സെന്‍സിറ്റീവുമായ സ്വഭാവത്തെ സൂചിപ്പിക്കാം.
അക്ഷരങ്ങളുടെ ആകൃതി
അക്ഷരങ്ങളുടെ രൂപങ്ങള്‍ വൈജ്ഞാനിക പ്രക്രിയകളെക്കുറിച്ച് സൂചിപ്പിക്കുന്നതാണ്. വൃത്താകൃതിയിലുള്ള അക്ഷരങ്ങള്‍ സര്‍ഗ്ഗാത്മകതയും അതിനെ പരിപോഷിപ്പിക്കുന്ന മനോഭാവത്തേയും സൂചിപ്പിക്കുന്നു. അതേസമയം കോണീയ അക്ഷരങ്ങള്‍ വിശകലന ചിന്തയെയും നേരിട്ടുള്ള മനോഭാവത്തെയും പ്രതിഫലിപ്പിക്കുന്നു.
ഒപ്പ്
ഒരു വ്യക്തിയുടെ ഒപ്പ് വിശകലനം ചെയ്യുന്നതും സ്വഭാവം തിരിച്ചറിയാന്‍ സഹായിക്കും. വലിയ ഒപ്പ് ആണെങ്കില്‍ അത് അംഗീകാരത്തിന്റെ ആവശ്യകതയേയും ആത്മവിശ്വാസത്തേയും സൂചിപ്പിക്കാം. അതേസമയം ചെറുതും ലളിതവുമായ ഒപ്പ് താഴ്മയെയും കരുതലുള്ള പെരുമാറ്റത്തെയും സൂചിപ്പിക്കാം.
ഗ്രാഫോളജിയുടെ അടിസ്ഥാനത്തില്‍ മാത്രം ഒരാളെ വിലയിരുത്തുന്നത് ബുദ്ധിപരമായിരിക്കില്ല. വിഷയത്തില്‍ കൂടുതല്‍ തെളിവുകള്‍ ഇല്ലാത്തതിനാല്‍ ഗ്രാഫോളജിയെ ഒരു ശാസ്ത്രത്തേക്കാള്‍ കലയായി കണക്കാക്കപ്പെടുന്നു.
Tags
