.jpg)
പ്രവാസികളെ ഭീഷണിപ്പെടുത്തി കോടികള്‍ തട്ടിയ യുവാവ് കണ്ണൂരില്‍ ഇന്റര്‍പോളിന്റെ പിടിയില്‍
Mar 27, 2025, 08:12 IST
ചെറുകുന്ന് മുണ്ടപ്രം സ്വദേശി വളപ്പിലെ പീടികയിലെ വി പി സവാദിനെ (30) ആണ് ചൊവ്വാഴ്ച വൈകീട്ട് പയ്യന്നൂര്‍ പാലക്കോട്ടു നിന്ന് അറസ്റ്റ് ചെയ്തത്.
ദുബായില്‍ പ്രവാസികളെ ഭീഷണിപ്പെടുത്തി അഞ്ചരക്കോടി രൂപയോളം തട്ടിയെടുത്ത യുവാവിനെ രഹസ്യാന്വേഷണ വിഭാഗത്തിന്റെയും കേരള പൊലീസിന്റെയും സഹായത്തോടെ ഇന്റര്‍പോള്‍ അറസ്റ്റ് ചെയ്തു.
ചെറുകുന്ന് മുണ്ടപ്രം സ്വദേശി വളപ്പിലെ പീടികയിലെ വി പി സവാദിനെ (30) ആണ് ചൊവ്വാഴ്ച വൈകീട്ട് പയ്യന്നൂര്‍ പാലക്കോട്ടു നിന്ന് അറസ്റ്റ് ചെയ്തത്. പട്യാല അസിസ്റ്റന്റ് ചീഫ് ജുഡീഷ്യല്‍ മജിസ്‌ട്രേറ്റ് കോടതി ഇയാള്‍ക്കെതിരെ അറസ്റ്റ് വാറണ്ട് പുറപ്പെടുവിച്ചിരുന്നു.
പ്രവാസികളെ ഭീഷണിപ്പെടുത്തി പണം തട്ടിയശേഷം നാട്ടിലേക്ക് കടന്നതാണെന്ന് കരുതുന്നു. ഒന്നാം പ്രതി കണ്ണൂര്‍സിറ്റിയിലെ യുവാവിനായി അന്വേഷണം ഊര്‍ജിതമാക്കി.
Tags
