ഡോ വന്ദനാദാസ് എന്നും വേദനിക്കുന്ന ഓര്മ ; മന്ത്രി വീണ ജോര്ജ്
![veena](https://keralaonlinenews.com/static/c1e/client/94744/uploaded/f99f21860fa619aa33149ede4ea132b5.gif?width=823&height=431&resizemode=4)
![veena](https://keralaonlinenews.com/static/c1e/client/94744/uploaded/f99f21860fa619aa33149ede4ea132b5.gif?width=382&height=200&resizemode=4)
ഡോ വന്ദനാദാസ് എന്നും വേദനിക്കുന്ന ഓര്മയെന്ന് ആരോഗ്യ വകുപ്പ് മന്ത്രി വീണ ജോര്ജ്. ഒരു നാടിന്റെ ആരോഗ്യം ഉറപ്പ് വരുത്താനായി രാവും പകലും സേവനം നടത്തുന്നവരാണ് ആരോഗ്യ പ്രവര്ത്തകര്.
ആരോഗ്യ പ്രവര്ത്തകരുടെ സുരക്ഷ ഉറപ്പാക്കേണ്ടത് സര്ക്കാരിന്റേയും സമൂഹത്തിന്റേയുമുള്പ്പെടെ എല്ലാവരുടേയും ഉത്തരവാദിത്തമാണെന്നും മന്ത്രി കൂട്ടിച്ചേര്ത്തു. അവര്ക്ക് മികച്ച രീതിയില് സേവനമനുഷ്ഠിക്കാനുള്ള സമാധാന അന്തരീക്ഷം ഒരുക്കേണ്ടതുണ്ട്.
വന്ദനയോടുള്ള ആദര സൂചകമായി കൊട്ടാരക്കര താലൂക്ക് ആസ്ഥാന ആശുപത്രിയുടെ പുതിയ അഡ്മിനിസ്ട്രേറ്റീവ് ബ്ലോക്കിന് ഡോ. വന്ദനാ ദാസിന്റെ പേര് നല്കി. വന്ദനയെ എക്കാലവും മലയാളികള് ഓര്ക്കുമെന്നും മന്ത്രി പറഞ്ഞു.
ഈ സംഭവത്തിന് ശേഷം ആരോഗ്യ പ്രവര്ത്തകരുടെ സുരക്ഷയ്ക്കായി വലിയ പ്രവര്ത്തനങ്ങളാണ് നടത്തിയത്. മുഖ്യമന്ത്രിയുടെ നേതൃത്വത്തില് യോഗം ചേര്ന്ന് സുപ്രധാന തീരുമാനങ്ങളെടുത്തു. മന്ത്രി വീണാ ജോര്ജിന്റെ നേതൃത്വത്തില് ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകരുമായും സംഘടനകളുമായും നിരവധി തവണ യോഗം ചേര്ന്ന് തുടര് നടപടികള് സ്വീകരിച്ചു.