വോട്ടര് പട്ടികയില് യുവ വോട്ടര്മാരുടെ എണ്ണത്തില് വന് വര്ദ്ധന
![vote](https://keralaonlinenews.com/static/c1e/client/94744/uploaded/42f4cdcae8cfbd78bb420eda62ac1de7.gif?width=823&height=431&resizemode=4)
ലോക്സഭ തെരഞ്ഞെടുപ്പിനുള്ള വോട്ടര് പട്ടികയില് യുവ വോട്ടര്മാരുടെ എണ്ണത്തില് വന് വര്ദ്ധന. മൂന്ന് ലക്ഷത്തിലധികം യുവ സമ്മതിദായകരാണ് സംസ്ഥാനത്ത് പുതുതായി ചേര്ന്നത്.
2023 ഒക്ടോബര് പ്രസിദ്ധീകരിച്ച വോട്ടര്പട്ടികക്ക് ശേഷം 388000 വോട്ടര്മാരാണ് പുതുതായി ചേര്ന്നിട്ടുളളത്. 18 - 19 വയസ് പ്രായമുള്ള സമ്മതിദായകരാണ് യുവവോട്ടര്മാരുടെ വിഭാഗത്തിലുള്ളത്. ഈ ലോക്സഭാ തെരഞ്ഞെടുപ്പിലെ കന്നി വോട്ടര്മാര് കൂടിയാണ് ഇവര്. ഹ്രസ്വകാലയളവിനുള്ളില് യുവ വോട്ടര്മാരുടെ എണ്ണത്തില് ഉണ്ടായ ഈ വര്ദ്ധന ശരാശരി അടിസ്ഥാനത്തില് രാജ്യത്തുതന്നെ ഒന്നാമതാണ്.
ഭിന്നലിംഗക്കാരായ വോട്ടര്മാരുടെ എണ്ണം കരട് പട്ടികയില് 268 ആയിരുന്നു. അന്തിമ വോട്ടര് പട്ടികയില് ഇത് 309 ആയി. ചീഫ് ഇലക്ടറല് ഓഫീസിന്റെ ആഭിമുഖ്യത്തില് വ്യാപകമായി നടത്തിയ പ്രചാരണ പരിപാടികളും ജില്ലാ ഇലക്ഷന് ഓഫീസര്മാരുടെ നേതൃത്വത്തില് ജില്ലാ തലങ്ങളില് നടത്തിയ പ്രചാരണവുമാണ് യുവാക്കളുടെ എണ്ണത്തില് വര്ദ്ധന ഉണ്ടാക്കിയതെന്നാണു വിലയിരുത്തല്.
![](https://keralaonlinenews.com/static/c1e/static/themes/11/94744/4170/images/new-shopprix-ad.jpg)
സോഷ്യല് മീഡിയ മുഖേനയും കോളജുകള്, സര്വകലാശാലകള്, പൊതുഇടങ്ങള് എന്നിവിടങ്ങളിലും വിവിധ ബോധവത്കരണ പരിപാടികള് സംഘടിപ്പിച്ചിരുന്നു.