സൈനികൻ സഞ്ചരിച്ച കാറിനുള്ളിൽ കഞ്ചാവ് കണ്ടെത്തി

തിരുവനന്തപുരം: തിരുവനന്തപുരത്ത് അപകടത്തിൽപ്പെട്ട കാറിനുള്ളിൽ കഞ്ചാവ് കണ്ടെത്തി. മാറനല്ലൂർ കൊറ്റംപള്ളിയിൽ ഞായറാഴ്ച പുലർച്ചയോടെയായിരുന്നു അപകടം. വീടിന്റെ മതിൽ ഇടിച്ചുതകർത്ത കാർ തലകീഴായി മറിയുകയായിരുന്നു.

സൈനികനായ ഹിറോഷ് എന്നയാളാണ് കാർ ഓടിച്ചിരുന്നത്. ഇയാൾ അമിതമായി മദ്യപിച്ചിരുന്നതായാണ് വിവരം. ഹിറോഷിനൊപ്പം മറ്റൊരാളും വാഹനത്തിലുണ്ടായിരുന്നു. അപകടത്തെ തുടർന്ന് സ്ഥലത്തെത്തിയ കാട്ടാക്കട പോലീസ് നടത്തിയ പരിശോധനയിലാണ് കാറിന്റെ ഡിക്കിയിലും പിൻ സീറ്റിലും കഞ്ചാവ് പൊതികൾ കണ്ടെത്തിയത്.പരിക്കേറ്റ ഇരുവരും തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇവരുടെ അറസ്റ്റ് ഉടൻ രേഖപ്പെടുത്തും.